|  |
 |
 |
 |
|
|
|
|
 Marw Gweneth Lilly
Bu farw un o awduron llyfrau plant mwyaf cynhyrchiol Cymru dros y Pasg, 2004, yn 83 oed.
Enillodd Gweneth Lilly o Lanfairfechan Wobr Tir na n-Og ddwywaith yn olynol gyda'i nofelau hanes; Y Drudwy Dewr a Gaeaf y Cerrig, 1981 ac 82.
Bu'n arbennig o gynhyrchiol rhwng dechrau'r wythdegau a chanol nawdegau y ganrif ddiwethaf gan ganolbwyntio bron yn llwyr ar y nofel hanes.
 Er mai ym M么n yr oedd y gwreiddiau, yn Lerpwl y cafodd ei geni a'i magu ac ym Mhrifysgol y ddinas honno y graddiodd a chael ei phenodi wedyn yn ddarlithydd llenyddiaeth Saesneg yno.
Daeth i Gymru ym 1946 i ddysgu'r un pwnc yn hen goleg y Santes Fair ym Mangor ac yno y bu nes iddi ymddeol ym 1977.
Wedi ei hymddeoliad y dechreuodd lenydda a hynny yn y Gymraeg er gwaetha'r ffaith mai Saesneg oedd ei phwnc yn y coleg.
Enillodd ei phlwyf yn fuan iawn fel un o'n hawduron mwyaf blaenllaw ar gyfer plant a phobl ifainc.
Seiliodd ei nofel gyntaf, Y Drudwy Dewr, ar chwedl Branwen yn ail gainc y Mabinogi.
Yn ystod blwyddyn saith canmlwyddiant marwolaeth Llywelyn ap Gruffydd Llywelyn ein Llyw Olaf yn 1982 hi a gomisiynwyd i sgrifennu nofel i nodi'r digwyddiad Rwy'n Cofio dy Dad.
Ysgrifennodd ddwy nofel Saesneg hefyd, Treason at Trefriw ac On a Scaffold High ym 1990 a 1993 ond ar y nofel Gymraeg y canolbwyntiodd yn bennaf gan gyhoeddi 13 o lyfrau i gyd gan gynnwys ei hunig nofel i oedolion, Orpheus a'i chefndir yng nghyfnod y Rhufeiniaid yng Nghymru.
Cyhoeddodd wedyn ddau gasgliad o straeon byrion, Masgiau a Dynes Mewn Du.
Yn aelod brwd a gweithgar o gymdeithas hanes ardal Llanfairfechan, sgrifennodd hefyd nifer o gyfrolau Cymraeg a Saesneg o ddiddordeb lleol a golygu rhai eraill.
Yn sgil y diddordeb hwnnw y bu'n cynorthwyo i ddod o hyd i gysylltiad Llywelyn Fawr a'i deulu 芒 Garth Celyn yn Abergwyngregyn ger Bangor.
Er mor boblogaidd ei gwaith yn yr wythdegau mae llawer, os nad y rhan fwyaf, o'i llyfrau allan o brint erbyn hyn.
|
|
|  | |  | |  | |  | | |  S么n amdanynt
Rhestr o'r holl lyfrau sydd wedi cael sylw ar 大象传媒 Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
|
Llyfrau - gwefan newydd
Teulu L貌rd Bach
Petrograd
L么n Goed
Silff y llyfrau diweddar
Hanner Amser
Deryn Gl芒n i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol