大象传媒

Mae'r llun a baentiwyd gan Meirion Jones yn dangos Mary a fu'n gogyddes yn Ysgol Gynradd Trefilan, Talsarn, yn chwerthin o waelod bol ar glawr Hoff Gerddi Digri Cymru a gyhoeddir gan Wasg Gomer.

"Mewn Noson Lawen ar yr hewl o Dalsarn i Langeitho oeddwn i, ond ma' hynny'n bownd o fod rhyw chwe blynedd yn 么l nawr," meddai Mary.

"Wyddwn i ddim am y peth tan i'm brawd yng nghyfraith fynd 芒 fi i weld y llun yn siop Rhiannon un diwrnod.

"Fues i'n siarad da Meirion wedyn, a dyma fe'n egluro pam y tynnodd e'r llun. 'Weles i chi'n chwerthin,' medde fe, 'a fedrwn i ddim peidio tynnu'ch llun!'"

Serch hynny, ni wyddai Mary ddim oll am fodolaeth llun Meirion - sy'n fab i'r arlunydd o Aberteifi, Aneurin Jones - ar glawr y llyfr tan yn ddiweddar iawn.

Profiad od
"Ffoniodd Goronwy [Jones, Perchennog Siop y Smotyn Du yn Llambed] a gofyn i fi fynd fyny i'r lansiad. A fe wedodd e ei fod wedi gweld y llun ohona i. Yn lle, holes inne. Ar glawr llyfyr medde fe!"

Dywedodd fod y profiad yn un od i ddechrau.
"Ond wy'n dechre cyfarwyddo 芒'r peth nawr a phan welodd e'r clawr, wedodd fy mab wrtho i, 'Wel mam fach, y'ch chi yn y limelight nawr!'"

Ond rhaid i'r rheswm pam yr oedd yn chwerthin mor harti aros yn ddirgelwch yn anffodus.

"Peidiwch 芒 gofyn wrtho i, wy'm yn cofio! Wy'n hopeless am gofio j么cs, wy'n ofnadwy, sai'n cofio dim un ohonyn nhw!" meddai.

Ond mae'n werth gwybod fod y darlun gwreiddiol bellach wedi ei brisio'n 拢1,300 ond go brin y bydd Mary yn ei brynu'n anrheg Nadolig iddi hi ei hun.

"Mowredd, alla i byth 芒'i ffordo fe!" chwarddodd. "Ges i'r llun mawr o'r clawr a ddefnyddiwyd yn y lawns pwy nosweth - fe fframia i hwnnw!"

Pob math o gerddi
Golygydd y gyfrol, Bethan Mair, sy'n gyfrifol am y clawr a daeth hi o hyd i'r llun ar wefan yr arlunydd pan yn chwilio am ddelwedd addas ar gyfer y llyfr.

Mae'r gyfrol yn cynnwys pob math o gerddi doniol gan gynnwys rhai am gymeriadau fel Matilda, cerddi chwarae ar eiriau ac odli slic a hen ffefrynnau gan feirdd yn amrywio o Dafydd ap Gwilym i Geraint Lovgreen, W. R. Evans a Dewi Pws.