 |
 Ar D芒n gan Sioned Lleiniau
T芒n yn y teitl
Helyntion yr ifanc yng nghefn gwlad.
Ar D芒n gan Sioned Lleiniau. Cyhoeddir gan Wasg Gomer.
Adolygiad gan Elin Meredith.
Comisiwn arbennig gan Wasg Gomer i ysgrifennu nofel am gefn gwlad ydy cefndir y nofel yma.
Mae'r awdures, Sioned Lleinau, wedi ei geni a'i magu yng nghefn gwlad ac wedi seilio llawer o Ar D芒n ar ei phrofiad o fod yn aelod o Glwb Ffermwyr Ifanc yn ardal Capel Iwan.
 Fel mam i dri o blant sy'n byw yng nghefn gwlad, mae dyfodol y gymdeithas yma yn agos iawn at ei chalon felly, ac mae hi wedi mynd ati yn fwriadol i ddarlunio ei hagosatrwydd a'i bwrlwm.
Caru, priodi, plant siawns
Stori am gymuned fechan wledig yn Sir Gaerfyrddin yn canolbwyntio ar deulu'r Gelli ydy hi. Cawn hynt a helynt pobl ifanc yr ardal a hanes caru, priodi, plant siawns, marw a dyfodol ffermio yn yr ardal.
Fel y gellid ei ddisgwyl gan rywun sy'n gwneud ei bywoliaeth o waith cyfieithu, mae'r ysgrifennu yn loyw, cywir a chadarn. Mae'n arwyddocaol, efallai, fod yr awdures wedi ysgrifennu doethuriaeth prifysgol ar y testun, "Delwedd o'r wlad yn y nofel Gymraeg."
Mae hi'n ymwybodol iawn o fod eisiau portreadu delwedd ffeithiol-gywir, gyflawn a ffafriol o'r bywyd yma.
Ond yn yr ymgais i wneud hyn, efallai fod y cymeriadau a stori wedi mynd ar goll. Teimlwn fod gormod o bwyslais yn y nofel ar ddisgrifio bywyd cefn gwlad, a hynny ar draul stori afaelgar.
Castiau bechgyn ifainc
Mae'r cynhwysion i gyd yma: bywyd y Clwb Ffermwyr Ifanc, castiau bechgyn ifanc cyn noson priodas, anawsterau ffermio, y tensiwn rhwng cenedlaethau, tynnu coes, yr arferiad o 'fynd i deithio' ymhlith meibion - a merched - fferm heddiw a phwysigrwydd y car i bobl ifanc y wlad.
Ond mae'r awdures weithiau yn llafurus o ymwybodol o gynnwys yr holl elfennau yma, a chreu epig o nofel, gan golli golwg ar y pethau bach ac ar gynnal rhediad y stori i'r darllenydd.
Fel y dangosodd y gyfres deledu Darn o Dir mae bywyd pobl ifanc cefn gwlad yn yr oes fodern yn destun sydd angen ei archwilio'n llawnach ac mae Gomer i'w canmol am geisio gwneud hynny.Ond yn anffodus wnaeth y nofel yma ddim taro'r nod i mi, er gwaetha'r addewid yn ei theitl.
Cliciwch i anfon ebost gyda'ch sylwadau chi.
Cysylltiadau Perthnasol
|
|
|  | |  | |  | |  | | |  S么n amdanynt
Rhestr o'r holl lyfrau sydd wedi cael sylw ar 大象传媒 Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
Llyfrau - gwefan newydd
Teulu L貌rd Bach
Petrograd
L么n Goed
Silff y llyfrau diweddar
Hanner Amser
Deryn Gl芒n i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol