 |
 Pam Fi, Duw, Pam Fi?
Pam Fi Eto, Duw?
Stori dda mewn iaith bob dydd
Adolygiad Carys Mair Davies o Pam Fi, Duw, Pam Fi? a Pam Fi Eto, Duw? gan John Owen. Lolfa. 拢5.95 yr un.
Y nofel Pam Fi, Duw, Pam Fi? oedd yn sail i'r gyfres deledu hynod boblogaidd am Ysgol Gyfun Glynrhedyn - Pam Fi, Duw?
Cawn yn y nofel hon ddarlun byw iawn o fywyd mewn ysgol gyfun ddwyieithog, a hynny trwy lygaid Rhys, un o'r disgyblion.
Er bod bwrlwm o hwyl ar bob tudalen mae Rhys hefyd yn arddel teimladau dwysach fel serch, tristwch a dicter ac mae'n eu mynegi mewn iaith na welwyd o fewn cloriau llyfr Cymraeg o'r blaen!!
Ar 么l gweld y gyfres deledu y darllenais i'r llyfr a hynny heb fod yn si诺r a fuasai'r llyfr yn un gwerth ei darllen gan i mi deimlo ar y pryd fod y deunydd yn gweddu'n well ar gyfer sgr卯n.
Cefais fy siomi o'r ochr orau gan fod stori'r nofel mor fyw fel y gallwn ddychmygu'r sefyllfaoedd yn fy meddwl ac ar brydiau cefais fy hun yn chwerthin yn uchel.
Droeon eraill teimlwn ddagrau yn llosgi fy llygaid.
Croesawu dyddiadur bachgen
Rhaid dweud hefyd ei bod hi'n braf, o safbwynt merch, cael nofel ar ffurf dyddiadur bachgen am newid gan fod yr holl nofelau Cymraeg ar ffurf dyddiaduron merched.
Fy hoff gymeriad yw tad Rhys, sef Dereck - cymeriad sy'n ysgafnhau pob amgylchiad gyda'i sylwadau difyr.
Yn fy marn i, mae John Owen yn trosglwyddo neges bwysig iawn drwy'r cymeriad yma; er nad yw Dereck yn medru'r Gymraeg drwy gydol y nofel mae'n benderfynol y bydd ei blant yn cael addysg a bywyd Cymraeg.
Y neges gan John Owen yw bod yr iaith yn bwysig iawn i'r genedl sydd ohoni heddiw gan ei bod yn rhoi gwreiddiau ac yn agor drysau.
Mae cryn dipyn o iaith anweddus yn y nofel felly nid wyf yn credu ei bod hi'n addas ar gyfer plant ifanc iawn.
Mae yma hefyd gryn dipyn o gymysgedd iaith gyda'r nofel yn symud o'r Saesneg i'r Gymraeg gydag ychydig frawddegau o Ffrangeg a Lladin hefyd!!!
Ond er bod hyn yn swnio'n gymysglyd, mae'r nofel yn hollol ddealladwy mewn iaith bob dydd.
Dilyniant
Daeth dilyniant i'r nofel ar ffurf Pam Fi Eto, Duw? lle mae Rhys yn mynd i bob math o drafferthion ym mlwyddyn 12 wrth i gyfrifoldebau a phroblemau newydd ddod iddo fel un o ddisgyblion h欧n yr ysgol.
Ond trwy sefyll ar ei draed ei hun a cheisio gwneud yr hyn sy'n iawn mae'n siomi ei rieni, pechu ei athrawon a difetha enw da yr ysgol!
Ceir ymateb gonest Rhys i'w holl broblemau yn yr un iaith fywiog a darllenadwy 芒'r nofel gyntaf ac yntau heb guddio dim mewn dyddiadur personol sy'n llawn
emosiynau a chynyrfiadau bachgen sy'n tyfu.
Gwell na'r gyntaf
Yn bersonol, mae'n well gen i'r nofel hon na'r gyntaf gan ei bod yn ymdrin 芒 materion dwysach.
Mae hi yr union nofel i fechgyn yn eu harddegau hwyr a hithau'n ymdrin 芒 phroblemau fel serch a chyfiawnder.
Credaf ei bod hi'n hollbwysig darllen Pam Fi, Duw, Pam Fi? cyn darllen hon neu bydd rhai digwyddiadau yn annelwig.
Darparwyd y cyfraniad hwn fel rhan o Gynllun Cyfrannu ar y Cyd rhwng 大象传媒 Cymru'r Byd ac Antur Teifi. Daeth y cynllun hwn i ben ar 31 Ionawr 2008
Cliciwch i ddarllen adolygiadau eraill dan gynllun Antur Teifi
Cysylltiadau Perthnasol
Holi rhai o actorionm y gyfres deledu
 |
Ychwanegwch eich sylwadau i'r dudalen fan hyn:
|
|
|
|
|
|  | |  | |  | |  | | |  S么n amdanynt
Rhestr o'r holl lyfrau sydd wedi cael sylw ar 大象传媒 Cymru'r Byd.
|
|
|
|  | |  | | |  Gair am air:
Detholiad o ddyfyniadau - ydych chi'n gwybod pwy yw'r awdur?
|
|
|
|
|
Llyfrau - gwefan newydd
Teulu L貌rd Bach
Petrograd
L么n Goed
Silff y llyfrau diweddar
Hanner Amser
Deryn Gl芒n i Ganu 
Awduron Cymru
Roger Boore
Nadolig a Rhagfyr 2008
Dolennau defnyddiol