大象传媒

Lleoliad yr Eisteddfod              Y Barri

Prif Ddigwyddiadau Hanesyddol

• Blwyddyn y brotest fawr, protestiadau Cymdeithas yr Iaith, protest y Chwith, protest y duon, a phrotest heddwch drwy Gymru, Ewrop a'r byd. Yr ysbrydoliaeth i nifer o'r ifainc oedd heddwch a chariad, breuddwydion a oedd yn aml wedi eu hysbrydoli gan gyffuriau.
• Llofruddio Martin Luther King.
• Brwydro ffyrnig yn Fietnam. Dyma'r flwyddyn y gwelwyd swyddog o Dde Fietnam yn saethu dyn a amheuwyd o fod yn Vietcong yn ei ben.
• Enoch Powell yn traddodi ei araith hiliol 'rivers of blood'.
• Cyflwyno arian degol.
• Bobby Kennedy yn cael ei saethu gan Sirhan Sirhan.
• Milwyr a thanciau o Rwsia yn goresgyn Prag.
• Ethol Richard Nixon yn Arlywydd yr Unol Daleithiau.
• Tommie Smith a John Carlos yn rhoi cyfarchiad 'black power' wrth dderbyn eu medalau yn y Gemau Olympaidd.
• Is-etholiad Caerffili a Phlaid Cymru yn dod o fewn 1,874 i bleidlais Llafur.
• Agor gorsaf niwcliar Trawsfynydd.
• Yr Ariandy Brenhinol yn agor yn Llantrisant.
• HTV yn gyfrifol am deledu annibynnol yng Nghymru yn lle TWW.
• George Thomas yn olynu Cledwyn Hughes fel Ysgrifennydd Cymru.
• Pedair plaid wleidyddol Cymru yn derbyn Adroddiad Gittins y dylai pob disgybl cynradd yng Nghymru gael y siawns i ddysgu Cymraeg.
• Agor cronfa Clywedog a chychwyn adeiladu cronfa Llyn Brianne.
• Howard Winstone yn ennill pencampwriaeth pwysau plu y byd.
• Gary Sobers yn taro chwe chwech mewn un pelawd oddi ar fowlio Malcolm Nash yn Abertawe.
• Tony Hancock, Arthur Horner ac Arglwydd Kemsey yn marw.

Archdderwydd               Gwyndaf

Y Gadair

Testun: 'Awdl Foliant i'r Morwr'
Enillydd: R. Bryn Williams
Beirniaid: Emrys Edwards, J. Eirian Davies, Gwilym R. Tilsley
Cerddi eraill: Tom Parry-Jones, Emrys Roberts