- Enw:
Gareth Lloyd James. -
Beth yw eich gwaith?
Dirprwy Bennaeth Ysgol Gymraeg Aberystwyth. -
Pa waith arall ydych chi wedi bod yn ei wneud?
Rwy' wastad wedi bod yn athro. -
O ble'r ydych chi'n dod?
O Gwmann ger Llanbedr Pont Steffan. -
Lle'r ydych chi'n byw yn awr?
Yn Aberystwyth. -
Wnaethoch chi fwynhau eich addysg?
Do, y rhan fwyaf o'r amser. Er imi gael llond bol erbyn diwedd lefel A! -
Beth wnaeth ichi sgrifennu eich llyfr diweddaraf - dwedwch ychydig amdano?
Rwy'n credu'n gryf fod 'na stori y tu mewn i ni i gyd, a phan ges i'r syniad rai blynyddoedd yn 么l i fynd ati i ysgrifennu nofel ar gyfer plant oed cynradd am ddirglewch mewn gwersyll, do'n i ddim yn siwr a fyddwn yn llwyddiannus ai peidio! Yn ffodus iawn, wnes i ysgrifennu rhyw dair i bedair pennod y llynedd cyn danfon copi at Gomer a ches i'r cyfarwyddyd i barhau gyda'r ysgrifennu a chomisiwn ar gyfer ysgrifennu cyfres. Es i ati o ddifri am ryw pythefnos yn ystod gwyliau'r haf y llynedd a llwyddo i gwblhau'r nofel gyntaf. Mae'n dilyn anturiaethau criw o blant ar daith breswyl yng Ngwersyll yr Urdd Glan-llyn. Mae 'na dair arall i ddod yn y gyfres - pob un wedi ei lleoli yng ngwersylloedd yr Urdd. -
Pa lyfrau eraill ydych chi wedi eu sgrifennu?
Dyma'r cyntaf. -
Pa un oedd eich hoff lyfr pan yn blentyn?
Yn Gymraeg, Ymysg Lladron gan T.Llew Jones.
Yn Saesneg, The Ring O'Bells Mystery gan Enid Blyton. -
A fyddwch yn edrych arno'n awr?
Byddaf yn aml yn dod ar draws Ymysg Lladron yn yr ysgol! -
Pwy yw eich hoff awdur?
Ar hyn o bryd, Llwyd Owen. -
A oes unrhyw lyfr wedi gwneud argraff arbennig neu ddylanwadu arnoch?
Rwy'n cofio darllen Cysgod y Cryman yn fy arddegau a mwynhau pob tudalen. Dyna pryd wnes i werthfawrogi dawn awdur i gyflwyno cymeriadau yn fyw gyda geiriau. -
Pwy yw eich hoff fardd?
Am gwestiwn! Mae 'na sawl un yn dod i'r brig, ond Gerallt Lloyd Owen sy'n mynd 芒 hi! -
Pa un yw eich hoff gerdd?
Ga i rannu'r ateb fel hyn: Hoff englyn - Haul ar fynydd gan Hedd Wyn.
Hoff gywydd - Fy Ngwlad gan Gerallt Lloyd Owen.
Hoff awdl - Gwaddol gan Ceri Wyn Jones. -
Pa un yw eich hoff linell o farddoniaeth?
Ni wnawn wrth ffoi am byth o'n ffwdan ff么l ond llithro i'r llonyddwch mawr yn 么l. -
Pa un yw eich hoff ffilm a rhaglen deledu?
Hoff ffilm - The Shawshank Redemption
Hoff raglen deledu - Top Gear. -
Pwy yw eich hoff gymeriad a'ch cas gymeriad mewn llenyddiaeth?
Fy hoff gymeriad - Barti Ddu!
Fy nghas gymeriad - Wil James, Cysgod y Cryman. -
Pa ddywediad, dihareb, adnod neu gwpled sydd agosaf at y gwir?
Man gwyn man draw. -
Pa un yw eich hoff air?
Cymreictod. -
Pa ddawn hoffech chi ei chael?
I ddysgu ieithoedd newydd yn ddiffwdan. -
Pa dri gair sy'n eich disgrifio chi orau?
amyneddgar (ond weithiau'n ddiamynedd); cyfeillgar (dibynnu gyda phwy); a hapus (fel arfer). -
A oes rhywbeth yr ydych yn ei ddrwglecio amdanoch eich hunan?
Gormod i'w rhestru! -
Pa ddigwyddiad hanesyddol fyddech chi wedi hoffi bod yn rhan ohono?
Fydden i wedi hoffi bod yn y pafiliwn pan gadeiriwyd Gerallt Lloyd Owen yn Aberystwyth yn 1969. -
Pa berson hanesyddol hoffech chi ei gyfarfod a beth fyddech chi yn ei ddweud neu yn ei ofyn?
Llywelyn, a fydden i'n dweud, "Paid ti mentro trywanu Gelert 'da'r hen gleddyf 'na, mae e wedi achub dy fab di!" -
Pa un yw eich hoff daith a pham?
Y daith adref o'r gwaith ar nos Wener. -
Disgrifiwch eich hoff bryd bwyd?
Cinio dydd Sul gyda chig eidion. -
Beth yw eich hoff weithgareddau amser hamdden?
Darllen, gwylio ffilmiau, syrffio('r w锚!) -
Pa un yw eich hoff liw?
Glas. -
Pa liw yw eich byd?
'Sdim dal! -
Pe gallech gyflwyno deddf newydd beth fyddai hi?
Fydden i'n croesawu'r gosb eithaf yn ei h么l am drais yn erbyn plant. -
A oes gennych lyfr arall ar y gweill?
Oes, dwi hanner ffordd drwy'r ail lyfr yn y gyfres. -
Beth fyddai'r frawddeg agoriadol ddelfrydol i nofel neu waith arall?
Pan feddylia i am un, fyddai'n ei chadw'n gyfrinach, a'i defnyddio gobeithio!
大象传媒 iD
Llywio drwy鈥檙 大象传媒
Dolenni'r 大象传媒
大象传媒 漏 2014 Nid yw'r 大象传媒 yn gyfrifol am gynnwys safleoedd allanol.
Mae'r dudalen hon yn ymddangos ar ei gorau mewn porwr cyfoes sy'n defnyddio dalennau arddull (CSS). Er y byddwch yn gallu gweld cynnwys y dudalen hon yn eich porwr presennol, fyddwch chi ddim yn cael profiad gweledol cyflawn. Ystyriwch ddiweddaru'r porwr os gwelwch yn dda, neu alluogi dalennau arddull (CSS) os yw'n bosib i chi wneud hynny.