Wrth s么n am dymor Cwmni Theatr Genedlaethol Cymru dan arweiniad Cefin Roberts dywedodd Catrin Beard mai tasg amhosib fyddai plesio pawb.
Rhestrodd gynyrchiadau o glasuron Cymraeg a'r cyfieithiadau fel uchelbwyntiau iddi hi gan enwi Ester, Iesu a T欧 Bernarda Alba fel y tri chynhyrchiad gorau.
Wrth gael ei holi ar Raglen Dewi Llwyd, fore Sul Chwefror 7, dywedodd:
I weld y cynnwys hwn rhaid i chi alluogi Javascript a gosod Flash ar eich cyfrifiadur. Ewch i (Saesneg) am gyfarwyddiadau.
"Ac o'r rhain, Iesu ydi'r unig ddrama gyfoes a dyma efallai sy'n dangos y gwendid sydd wedi bod efo'r Theatr Genedlaethol ac mae'n dangos fod tlodi sgwennu dramatig yng Nghymru . . . ac mae'n ychydig o siom nad yw'r cwmni wedi gwneud mwy i hybu a hyrwyddo a meithrin talent newydd."
Ond ychwanegodd y gall penodiad diweddar swyddog maes wella hynny.
Disgrifiodd strwythur y cwmni ar gyfer datblygu gwaith newydd fel "simsan" ac mai hynny oedd i gyfrif am fethiant Tyner yw'r Lleuad Heno gan Meical Povey.
"Fe fethodd y cwmni a sicrhau fod ei waith o yn ddigon da i'w berfformio y tro hwn," meddai.
Ychwanegodd mai camgymeriad fyddai dweud i'r Theatr fod yn fethiant gan i rai cynyrchiadau fod "yn ysgubol".
Yr her yn awr yn 么l Catrin Beard yw datblygu ar hyn o'r gwaelod i fyny a meithrin hefyd dalentau actio.
"Od ydi'r Theatr Genedlaethol wedi dangos un peth mae'n dangos fod gennym ni gyfoeth o dalent actio ymhlith ein hactorion canol oed ni.
"Bron iawn ym mhob cynhyrchiad mae'r rhai canol oed wedi serennu ac y mae ychydig o simsanrwydd yn y genhedlaeth iau [ond] mae eisiau eu meithrin nhw."
Yn ymuno a diwedd y sgwrs mynegodd adolygydd theatr arall, Iwan Edgar, tasg pa mor anodd yw un Cyfarwyddwr Artistic cwmni o'r fath.
- Gellir gwrando ar Catrin Beard ac Iwan Edgar yn siarad 芒 Dewi Llwyd trwy glicio ar y blwch ar ddechrau'r erthygl hon.
- Cliciwch YMA i glywed sylwadau Catrin Beard am 'Y Gofalwr'..
