Bydd model o'r mwyaf annisgwyl o greaduriaid i'w weld ar faes yr Eisteddfod eleni - madfall.
Gwnaed y Madfall Cribog gan blant Ysgol Ardwyn ger Yr Wyddgrug er mwyn tynnu sylw at y ffaith fod cynefin yr anifail mewn peryg
Mae gwastraff yn cael ei gladdu ger pyllau hen chwareli, lle mae'r anifeiliaid prin hyn yn byw ym mro yr Eisteddfod.
Bu'r plant yn gwneud y cerflun dan arweiniad yr artist Kevan Hopson gan ddefnyddio broc m么r a gwastraff plastig er mwyn creu argraff o amgylchedd naturiol y madfall.
Brwdfrydig
Meddai Kevan am y cerflun a fydd i'w weld ar faes yr Eisteddfod:
"Roedd y myfyrwyr yn frwdfrydig dros ben. Dechreuon ni'r prosiect trwy ymweld 芒 phyllau madfall Brookhill yng nghwmni Jacinta Challinor, o Fywyd Gwyllt Gogledd-ddwyrain Cymru, lle datgelodd hi gyfrinachau byd y fadfall i ni."
Wedyn cr毛wyd model o fadfall yn y dosbarth a oedd, meddai, "yn dal prydferthwch ac urddas y creadur hwn sy'n debyg i ddraig".
Pwysleisiodd Tim Jones, rheolwr rhanbarthol CCC, bwysigrwydd diogelu'r anifail.
"Gweithgaredd dyn yn y gorffennol sy'n rhannol gyfrifol am boblogaeth uchel y fadfall yn yr ardal hon ac rydym angen sicrhau nad yw datblygiadau cyfredol yn bygwth eu dyfodol yn y tymor hir," meddai.
"Maent wedi eu hamddiffyn dan gyfraith Ewropeaidd - ond rydym yn hapus iawn fod plant ysgol yn dod i ddeall mwy amdanynt. Mae yna angen i'w hyrwyddo a'u dathlu yn ogystal a'u hamddiffyn."
Mae'r cerflun yn rhan o weithgarwch cynllun artist preswyl dan nawdd Cyngor Cefn Gwlad Cymru, mewn partneriaeth 芒'r Eisteddfod Genedlaethol.
