Yng nghanol y tywydd oer diweddar roedd Elin Jones, 27, o Rosygwaliau ger Y Bala yn llenwi ei chês a sgertiau a thopiau tenau ar gyfer gwres mawr Ethiopia.
Fel popeth newydd dwi a ychydig o ofn ond dwi'n edrych ymlaen hefyd, rhyw deimladau cymysg iawn ar hyn o bryd. Does gan rywun ddim syniad beth i'w ddisgwyl er fy mod wedi gwneud llwyth o waith ymchwil, meddai Elin wrth Lowri Rees cyn cychwyn.
Gwireddu breuddwyd
Mae Elin yn rhan o gynllun gan yr MSF, Mudiad yn Llundain sy'n trefnu gwasanaeth argyfwng mewn gwledydd sy'n dioddef.
Mae wedi bod yn freuddwyd gen i ers imi gychwyn nyrsio cael mynd i wledydd eraill i nyrsio, ac mae hwn yn gyfle gwych i fynd i'w chanol hi o ddifri.
Yr oedd yn hedfan o Amsterdam i Addis Ababa prif ddinas Ethiopia yn gyntaf ac oddi yno i'r hen brifddinas, Gondor cyn dilyn tracac i Humara.
 Dwi'n teimlo fy mod wedi cael digon o brofiad mewn ystod eang o nyrsio erbyn hyn ac yn barod i wynebu'r sialens, meddai.
Mi roedd yn newid mawr mynd i Lundain o'r Bala i drin cleifion yn dioddef o HIV ac ers hynny dwi wedi gweithio i elusen Entinox ac yna am ddwy flynedd mewn canolfan detox gyda phobl yn gaeth i gyffuriau ac alcohol.
Yn ystod y blynyddoedd diwethaf dwi wedi bod yn gweithio mewn cold weather shelter am bedwar mis gan roi gwybodaeth am gamddefnyddio alcohol a chyffuriau i bobl ac yna eu pasio ymlaen i dderbyn triniaeth.
"Dwi wedi bod yn gweithio yn galed i geisio lleihau y nifer sy'n gorfod cysgu ar y stryd a cheisio eu cael i ddeall am gamdrin a phwysigrwydd iechyd personol.
Paratoi'n drwyadl
Mae wedi bod yn paratoi'n drwyadl ar gyfer Ethiopia.
.Mae'n bwysig os am wneud rhywbeth, ei wneud yn dda a dwi'n credu'n gryf yn hynny. Felly dyma dalu i fynd ar gwrs Tropical Medicine.
Yn sicr mae cwrs o'r bath yn gerio rhywun i fyny ac yn rhoi rhyw fath o gynnwrf i rywun fod eisiau mynd i'r gwledydd mae i helpu eraill.
"Yn ogystal â gwneud y cwrs dwi wedi bod yn gweithio ar ward yn trin pobl sydd yn dioddef o afiechydon sydd yn gysylltiedig a thramor, meddai.
Fel rhan o'r prosiect MSF roedd y mudiad yn anfon CV Elin i wahanol wledydd fel bod y staff meddygol yn cael dewis y math o nyrs oedd ei.
Dwi ddim yn meddwl imi erioed feddwl mynd i Ethiopia ond wedi imi glywed fod gan y wlad ddiddordeb yn fy CV roedd yn rhaid dechrau paratoi. Erbyn heddiw dwi'n gwbwl bariod i fynd - ond fel popeth mae gen i ychydig o ofn, ond dwi'n frwdfrydig iawn.
Weithiau dwi'n meddwl, fy mod i'n mynd i rywle hollol wahanol i adref a'r tymheredd yn 40 50F ac i le sydd yn hollol anial ond mae o'n rhywbeth dwi wastad wedi bod eisiau'i wneud.Bydd yn gweithio gyda nyrs arall a chydlynydd meddygol ymhlith cleifion sy'n dioddef o bob math o afiechydon.
Dysgu am HIV
Mae llawer iawn wedi cael eu heintio â HIV ac mae'n bwysig iawn rhoi iddyn nhw yr addysg nad oes raid iddo ddatblygu'n AIDS.
"Mae'r prosiect yn gobeithio lleihau y nifer o blant sydd yn cael eu heintio â HIV gan y fam. Trio cyflwyno'r wybodaeth a thrwy hynny helpu'r cleifion, meddai Elin.
Yn cael ei hadnabod fel Outreach Nurse bydd Elin yn cydweithio i sicrhau grwpiau cefnogol i'r bobl yn Ethiopia, cynnig triniaeth a chynnig cyngor er mwyn helpu.
Dwi eisiau bod yna i'r bobl, ac fe fydd yn rhaid imi wynebu y bydd yna lawer iawn o bobl yn marw - ond dwi'n teimlo ei fod yn bwysig iawn inni sicrhau eu bod yn marw gydag urddas.Mae Elin yn lapio ambell botel win, ychydig o gaws a siocled yn ei ches, ac yn chwerthin.Fe fydd rhaid imi gael ychydig o bleserau bywyd yn ystod fy nghyfnod yno, a dwi'n sïwr bydd y nyrsys sydd yno'n barod yn gwerthfawrogi chydig o win a siocled, meddai.
Un peth annisgwyl y mae Elin yn edrych ymlaen ato yw bod yn 21 unwaith eto achos gan gan fod Ethiopia yn dilyn calendr yr Hen Destament 1996 yw hi yno!
|
