´óÏó´«Ã½

Cafodd angladd menyw 91 oed foddodd yn ei chartref yn ystod llifogydd Llanelwy ei gynnal brynhawn Gwener.

Roedd cannoedd yn Eglwys y Plwyf Llanelwy a Chyndeyrn.

Timau achub ddaeth o hyd i gorff Margaret Hughes pan oedden nhw'n ceisio helpu pobl i adael eu cartrefi ddydd Mawrth, Tachwedd 27.

Fe fyddai Mrs Hughes wedi dathlu ei phen-blwydd yn 92 oed ar Dachwedd 29.

Cafodd cwest i'w marwolaeth ei agor a'i ohirio gan grwner dros dro canol gogledd Cymru, John Gittins, ar Dachwedd 30.

Boddi

Clywodd y cwest fod archwiliad post mortem patholegydd y Swyddfa Gartref, Dr Brian Rodgers, yn dangos mai achos ei marwolaeth oedd boddi.

Cafodd Mrs Hughes ei disgrifio'n fenyw annibynnol a phenderfynol iawn ac yn llawn hiwmor a hwyl.

Wedi ei marwolaeth dywedodd ei theulu: "Er gwaetha'i hoedran, roedd yn llawn asbri ac yn mwynhau diddanu eu hwyrion a'u gor-wyrion, yn enwedig dros y Nadolig.

"Mae'r newyddion am ei marwolaeth annisgwyl wedi ein hysgwyd ni.

"Roedd yn dal yn llawn bywyd ac yn edrych ymlaen at y Nadolig."