´óÏó´«Ã½

Y newyddiadurwr Huw Edwards sy'n Ateb y Galw yr wythnos hon, wedi iddo gael ei enwebu gan Wyre Davies wythnos diwetha'.

Dringo'r grisiau serth yn nhÅ· Mamgu ym mhentref Blaengarw ger Penybont ar Ogwr. Roeddwn tua 3 oed. Roeddem yn byw gyda hi tra'n aros am dÅ· yn Llangennech.

Ateb hawdd a pharod. Debbie Harry. Roedd gen i sawl poster enfawr ohoni yn fy ystafell wely. Mae hi'n 72 nawr!

Byddaf yn teimlo cywilydd bob tro byddaf yn methu rhoi arian i rywun digartref ar strydoedd Llundain. Rwyf yn ceisio rhoi yn rheoliadd ond nid yw'n bosib bob tro. Byddaf yn teimlo pwl o gynddaredd bod pobl yn ddigartref yn un o wledydd mwyaf cyfoethog y byd.

Rwyf yn llefain (nid 'crïo'!) yn reit aml a dweud y gwir. Gall hen luniau o'r teulu, darn o farddoniaeth neu gerddoriaeth greu emosiwn ynof yn hawdd.

Y tro olaf oedd mewn gwasanaeth carolau yn Llundain pan glywais un o adnodau gorau'r Beibl ('A'r Gair a wnaethpwyd yn gnawd, ac a drigodd yn ein plith ni... yn llawn gras a gwirionedd.') Mae'r adnod bob amser yn fy atgoffa o wasanaethau Nadolig fy mhlentyndod yn Llangennech, a byddaf yn llawn emosiwn yn cofio.

Oes, gormod o lawer. Colli fy nhymer yn rhy hawdd. Rhegi. Bod yn ddiamynedd. Digon?

Mynwent Llanddewi Aber-arth lle mae Dad yn gorffwys, a nifer o Edwardiaid eraill hefyd, gan gynnwys Mamgu a Dadcu Aber-arth, a Mamgu Picton, sef fy hen famgu. Mae'n fan arbennig o hardd yn edrych dros ddisgleirdeb Bae Ceredigion. Ar ddiwrnod clir cewch weld hyd at Ben LlÅ·n a mynyddoedd Eryri.

O ran gwaith, rhaglen ganlyniadau Refferendwm Cymru 1997. Noson a hanner. A dylwn nodi i mi sylwebu ar seremoni agoriadol Gemau Olympaidd London 2012 hefyd. 27 miliwn yn gwylio!

O ran bywyd teulu, rhaid mai fy mhenblwydd yn 50 oed oedd y peth gorau, y teulu cyfan gyda mi a llu o ffrindiau hefyd. Doedd Dad ddim gyda ni erbyn hynny, ond byddai wedi bod wrth ei fodd.

Penderfynol. Uchelgeisiol. Drygionus.

Doctor Zhivago yw'r ffilm. Hoffi rhamant y ffilm a'r gerddoriaeth fendigedig.

Y nofel Il Gattopardo gan Lampedusa yw'r llyfr. Dyfyniad gwych ynddo: Se vogliamo che tutto rimanga come è, bisogna che tutto cambi. ('Er mwyn i bob dim aros yr un peth, rhaid i bob dim newid'.) Dau glasur bendigedig.

David Lloyd George, heb os. Angen gofyn ambell gwestiwn plaen. Ond mae'n arwr i mi yn rhinwedd ei allu gwleidyddol fel Cymro ym mherfedd y Sefydliad Seisnig, ei frwydr fawr yn erbyn TÅ·'r Arglwyddi, a'i gyfraniad fel radical cymdeithasol.

Yr wyf yn ffieiddio afocados â chas perffaith. Bwyd y Diafol ei hun. Yr ail yw'r tomato melltigedig. Anodd iawn, os nad amhosib eu hosgoi. Onid yw "pawb" yn eu hoffi meddech chi? Wel nac ydynt wir!

Cael pryd o fwyd gwych yn Ffrainc (fy hoff wlad ar ôl Cymru) gyda'r teulu i gyd a rhoi diolch am holl fendithion bywyd.

Nansi Richards yn canu Mor fawr wyt Ti - mae'n fy atgoffa o Mamgu Blaengarw (dyna oedd ei hoff emyn) a byddaf bob amser yn ddagreuol yn gwrando arni.

Plated mawr o wystrys i ddechrau gyda photel o Chablis. Stecen a saws µþéarnaise gyda salad gwyrdd. Cacen gaws plaen yn null Efrog Newydd. Paradwys.

Prif Weinidog Cymru. Angen gwneud rhai penderfyniadau radical ar fyrder am gyfeiriad Cymru, yr economi, addysg, y cyfryngau, a'r iaith Gymraeg.

Beti George