´óÏó´«Ã½

Dewi 'Corn' Griffiths, yr arweinydd bandiau pres a chwaraewr y Corn Gwlad, sy'n Ateb y Galw yr wythnos yma, wedi iddo gael ei enwebu gan Betsan Powys yr wythnos diwetha'.

Dwi'n cofio bod ar fy ngwyliau yn Ffrainc pan oeddwn i tua 5 oed. Wedi mynd mewn carafan oedda' ni fel teulu, a'r hyn dwi'n ei gofio yw mynd i fy ngwely pob nos ond yn deffro ar y llawr pob bore! Hyd heddiw dwi ddim yn gwybod os mai rowlio allan o'r gwely oeddwn i neu beth... ond mae hwnnw'n un o'n atgofion cyntaf.

Pamela Anderson. Gallai'm meddwl am yr un hogyn yn ôl yn y 90au oedd ddim yn ei ffansio hi. Hi oedd yr ultimate blonde bombshell pan roeddwn yn tyfu fyny.

Dwi'n cofio chwarae'r cornet yn y gwasanaeth yn Ysgol Gynradd Bethel ac roedd Dad wedi glanhau'r offeryn y diwrnod cynt, ac os oes rhywun yn gwybod unrhyw beth am offerynnau pres, mae rhaid i'r valves fynd i fewn y ffordd cywir neu does dim gwynt yn gallu mynd trwy'r offeryn.

Wrth gwrs, doedd Dad heb roi'r offeryn at ei gilydd yn gywir, felly pan nes i ddechrau chwythu doedd dim gwynt yn gallu mynd trwy'r offeryn... ac roedd pawb yn edrych arna i a doedd dim roeddwn yn gallu ei wneud! Fe wnes i ddysgu sut i edrych ar ôl yr offeryn yn gywir ar ôl hynny a pheidio gadael i Dad fynd yn agos ato!

Mae pobl sydd yn fy adnabod i yn dda yn gwybod fy mod yn crïo am ddim byd weithiau, ond pan roeddwn yn gwylio'r rhaglen deledu am lofruddiaeth James Bulger mae'n rhaid dweud fod ambell i ddeigryn bach wedi ymddangos.

Pwy sydd heb rai? Cnoi a pigo ewinedd fy nwylo! Dwi'n falch o dd'eud fy mod ddim yn gwneud yr un peth i winedd fy nhraed!

Adref. Er fy mod yn byw lawr yn y de ers rhyw 12 o flynyddoedd bellach, does unman yn debyg i gartref ac wrth gwrs fe ges i fy magu ar droed Yr Wyddfa, felly mi fydd yr ardal yna yn agos i nghalon am byth.

Dwi'n meddwl fod un o'r nosweithiau gorau i mi ei chael chydig yn fuzzy, sef ar ôl i Fand Tredegar ennill y gystadleuaeth British Open yn Birmingham nôl yn 2013, ac fe ges i'r wobr am yr offerynnwr gorau drwy'r gystadleuaeth i gyd! Mi roedd lot o ddathlu wrth reswm, ac dwi'n siŵr ei bod hi wedi bod yn noson dda iawn!

Cerddorol. Cyfeillgar. Hapus.

Mae rhaid i mi dd'eud mod i ddim yn darllen o gwbl - 'dio jest ddim yn apelio ataf, ond mi rydw i'n hoffi ffilm. Dydw i ddim yn gallu meddwl am un ffilm penodol, ond i ddweud y gwir mae unrhyw un o'r ffilmiau Star Wars yn mynd i fod ar y rhestr rhywle, ac os dwi'n bod yn onest, unrhyw ffilm sydd gyda soundtrack John Williams. I mi, mae'r gerddoriaeth yr un mor bwysig â'r sgript, a does neb cystal â John Williams am gyfansoddi ar gyfer ffilmiau.

Einstein. Dwi'n meddwl byddai cael bod yn ei gwmni am 'chydig o oriau yn wych. Byddai'n grêt cael sgwrs dros beint neu ddau, rhoi'r byd yn ei le, a hefyd gweld beth fyddai ei ymateb ynglŷn â Brexit!

Bron iawn i mi symud i Norwy i fyw nôl yn 2015. Dwi wedi bod allan yno nifer o weithiau yn chwarae gyda bandiau pres gwahanol o amgylch y wlad, ac mae'r byd bandiau pres yn ddisglair iawn allan yno.

Yn 2014 fe wnes i chwarae gyda band pres Eikanger-Bjørsvik ym Mhencampwriaeth Ewrop ac yn dilyn hyn fe ges i wahoddiad i fynd allan yno i chwarae gyda nhw'n llawn amser ac roedd cynnig am 'chydig o waith dysgu hefyd, ond doedd yr amseru ddim yn grêt ac wrth gwrs fel pob sefydliad mae'n rhaid i'r swydd cael ei llenwi, felly fe aeth y cyfle heibio.

Dwi'n meddwl fyswn i'n trio gweld os oes unrhyw Guinness World Record y buaswn yn gallu torri yn fy oriau olaf, a rhoi cynnig arni!

I fod yn hollol onest, dydw i ddim yn gwrando ar lot o gerddoriaeth. Dwi'n dysgu offerynnau pres trwy'r dydd, bob dydd mewn ysgolion, ac yn rhoi gwersi preifat ar ôl ysgol, ac yna pedair noson bob wythnos dwi mewn ymarferion band pres (Band Tredegar a Band Pres Dinas Caerdydd)...

Felly pan dwi mewn mood i wrando ar gerddoriaeth, mae fel arfer yn unrhyw beth ffilm gan John Williams neu efallai rhai o glasuron Oasis!

Bara garlleg a chaws. Cyri. Crème brûlée. Dim y cyfuniad gorau, ond i gyd yn ffefrynnau i mi!

Wynton Marsalis - fysai'n neis cael gwybod sut deimlad yw bod y trympedwr gorau yn y byd!

Mererid Hopwood