´óÏó´«Ã½

Yr actores Saran Morgan sy'n Ateb y Galw yr wythnos yma, wedi iddi gael ei henwebu gan Alun Saunders yr wythnos diwetha'.

Torri fy llygad ar agor ar gornel y gwely pan o'n i'n dair. Dwi ddim yn cofio lot, ond dwi'n cofio gorwedd yn yr ysbyty wrth i Dr Wagi o'r Aifft fy mhwytho i fyny, a Mam yn adrodd stori Elen Benfelen.

Fred o Scooby-Doo! - y cartŵn a Freddie Prinze Jr o'r ffilmiau.

Nes i bisho'n hunan pan o'n i'n canu'r alaw werin yn Steddfod sir Caerdydd yn 10 mlwydd oed. Dwi'n gallu chwerthin nawr, ond ar y pryd o'n i'n meddwl bod bywyd ar ben!

Yn gwylio ail gyfres Queer Eye ar Netflix yn ddiweddar. Mae pob un bennod mor emosiynol a lysh.

Dwi'n gwario llawer gormod ar ddillad ac ar esgidiau, ac yn sucker am sêl. Pan dwi ddim yn actio dwi'n gweithio yn Kiti, boutique dillad ym Mhontcanna, sy' mor ddansherus gan bod e'n llawn o bethau anhygoel.

Dwi'n caru Caerdydd. Dwi mor lwcus i ddod o ddinas sydd mor fach ond byrlymus, gyda gymaint o bethau cyffrous yn mynd ymlaen.

Dwi hefyd yn teimlo fel mod i'n perthyn i'r Gorllewin, ac yn dwlu ar draeth Glan y Fferi. Ro'dd fy nhadcu yn brifathro'r ysgol am gyfnod, felly o'dd Mam yn byw yna nes o'dd hi'n 7, ac mae'n nhad erbyn hyn yn byw yng Nghaerfyrddin, felly dwi'n ymweld yn weddol aml. Mae'r olygfa draw at Lansteffan yn odidog wrth i'r haul fachlud.

Fe wnes i raddio blwyddyn d'wethaf o brifysgol Queen Mary yn Llundain, ac roedd cael pawb pwysig i mi mewn un lle yn gwbl lysh. Cafon ni ddiwrnod perffaith, a nes i sylweddoli pa mor lwcus ydw i.

Perffeithydd, bossy, ffyddlon.

Fy hoff ffilm yw Working Girl gyda Sigourney Weaver a Melanie Griffiths. Gwylies i fe am y tro cyntaf pan o'n i'n ifanc iawn ac o'n i'n meddwl bod e mor glamorous a chynhyrfus, a nawr dwi'n mynd nôl ato'n aml.

Fy hoff lyfr yw The Women's Room gan Marilyn French. Nes i ei ddarllen tua blwyddyn yn ôl, ond dwi'n siŵr a i nôl ato eto ac eto. Mae'n llyfr am fenywod, a'r frwydr am gydraddoldeb. Mae'n glasur, ac yn fy marn i dylai pob menyw (a dyn) ei ddarllen.

Mam fy mam, Ray. Doeddwn i ddim yn ei hadnabod hi, ond yn ôl Mam dwi'n debyg dros ben iddi mewn lot o ffyrdd. Bydden i'n dwlu cael cyfle i ddod i'w 'nabod hi dros lasied o win.

Fe wnes i benderfynu troi'n llysieuwraig pan o'n i'n dair mlwydd oed. Sticies i ato fe yn weddol dda am 15 mlynedd, heblaw am cheeseburgers McDonald's, ar ôl i Steffan, fy mrawd, weud taw ond caws o'dd ynddon nhw, dim cig. Garies i 'mlaen i fwyta nhw, hyd yn oed ar ôl i fi sylweddoli fod e'n gweud celwydd. Wps!

Casglu pawb dwi'n caru mewn un lle, byta lot o'n hoff fwydydd, canu caneuon, hel atgofion a bod yn hapus.

Mae gen i'r tâst miwsig mwya' eclectig erioed, ma'n ffrindie i'n ofn pan dwi'n rhoi'n iTunes i ar shuffle. O Taylor Swift i Kirsty MacColl, i soundtrack Nia Ben Aur i Grimes. Ar hyn o bryd dwi'n mwynhau albwm newydd Lily Allen, No Shame.

Cwrs cyntaf - prawns mawr gyda garlleg a chilli a bara ffres

Prif gwrs - pizza gyda mozzarella a nduja

Pwdin - crème brûlée

Fy nghi, Pandy. Mae'n cael ei drin fel brenin bach gan bawb ac yn cysgu'r rhan fwyaf o'r dydd!

Lowri Palfrey