´óÏó´«Ã½

Am yr ail dro, mae'r ´óÏó´«Ã½ wedi cyhoeddi cyflogau eu staff sydd yn ennill mwy na £150,000 gan y gorfforaeth yn 2017/18.

Mae'r bobl sydd ar frig y rhestr yn cynnwys cyflwynwyr enwocaf y ´óÏó´«Ã½, ac mae ambell i Gymro yn eu plith.

Huw Edwards £520,000 - £529,999

Cyflwynydd News at Ten, Huw Edwards, sydd ar frig rhestr y Cymry, ac mae'n bumed yn y rhestr o'r 12 staff sydd yn ennill y cyflog mwyaf. Mae wedi gweithio rhyw 180 o ddyddiau cyflwyno eleni, ar ´óÏó´«Ã½ One a'r News Channel - gan gynnwys rhaglenni newyddion arbennig, fel etholiadau. Ymunodd â'r ´óÏó´«Ã½ gyntaf yn 1984, ac mae'n un o wynebau mwyaf cyfarwydd y ´óÏó´«Ã½.

John Humphrys £400,000 - £409,999

Mae John wedi disgyn i'r ail safle yn rhestr y Cymry eleni, ac mae'n nawfed yn rhestr 12 uchaf y ´óÏó´«Ã½ - yn gyfartal â Nick Grimshaw, Stephen Nolan ac Andrew Marr.

Er fod y newyddiadurwr wedi cyflwyno 140 o benodau rhaglen Today eleni, mae wedi cael gostyngiad cyflog sylweddol o'r hyn oedd yn ei ennill y llynedd, sef £600,000 - £649,999. Mae hyn yn unol â phenderfyniad chwe chyflwynydd gwrywaidd (gan gynnwys Huw Edwards a John Humphrys) i gymryd gostyngiad cyflog, er mwyn ceisio lleihau'r gwahaniaeth yng nghyflogau staff gwrywaidd a benywaidd y ´óÏó´«Ã½.

Jason Mohammad £260,000 - £269,999

Mae gan Jason Mohammad sioe ddyddiol ar Radio Wales, rhaglenni wythnosol ar 5 Live a Radio 2 ac mae'n cyflwyno amryw o raglenni pêl-droed a snwcer. Ei gyflog y llynedd oedd £250,000 - £299,999.

Jeremy Bowen £200,000 - £209,999

Jeremy yw Golygydd y Dwyrain Canol ers 2005, ac mae'n derbyn ychydig mwy o gyflog eleni. Roedd yn ennill £150,000-£199,999 y llynedd. Mae'n wreiddiol o Gaerdydd ac wedi gweithio i'r ´óÏó´«Ã½ ers 1984.

Rhodri Talfan Davies £160,000 - £169,999

Rhodri yw cyfarwyddwr ´óÏó´«Ã½ Cymru, a hynny ers 2011. Dechreuodd â'r ´óÏó´«Ã½ yn 1993, ac mae wedi gweithio ar draws Prydain fel newyddiadurwr. Dychwelodd i Gaerdydd at ´óÏó´«Ã½ Cymru yn 2006.

Pwy sydd ar goll o'r rhestr?

Ond mae dau enw blaenllaw oedd ar ein rhestr ni o Gymry y llynedd ar goll.

Nid yw cyflog Alex Jones na Jonathan Davies yn cael eu datgelu yn y rhestr.

Mae cyflog Alex Jones, cyflwynydd The One Show, bellach yn cael ei dalu drwy ´óÏó´«Ã½ Studios yn hytrach na chael ei ariannu gan ffi'r drwydded.

Mae'r un peth yn wir am gyflwynwyr benywaidd eraill fel Claudia Winkleman am Strictly Come Dancing a Fiona Bruce am Antiques Roadshow.

Mae'r ffaith fod cyn lleied o ferched ym mhen uchaf y rhestr o gyflogau wedi codi gwrychyn rhai. Yn ôl y ´óÏó´«Ã½, nid yw hyn yn adlewyrchiad teg o'r cydbwysedd cyflog rhwng dynion a merched, gan fod cyflogau sydd yn dod o dan ´óÏó´«Ã½ Studios ddim yn cael eu datgelu.

O ran y sylwebydd rygbi, Jonathan Davies, nid yw ei gyflog o goffrau'r ´óÏó´«Ã½ eleni yn cyrraedd y trothwy o £150,000 sy'n fan cychwyn i'r rhestr gyflogau.

Y stori yn llawn ar ´óÏó´«Ã½ News