´óÏó´«Ã½

Mae'r Eisteddfod Genedlaethol wedi cyhoeddi bod gan bobl fis er mwyn hawlio ad-daliad am gigs Maes B, wedi iddyn nhw gael eu canslo oherwydd tywydd garw.

Cafodd gigs nos Wener a nos Sadwrn eu canslo a bu'n rhaid i'r maes pebyll ieuenctid hefyd gau ddeuddydd yn gynt na'r disgwyl yr wythnos ddiwethaf.

Fe ddaeth hynny oherwydd bod rhybuddion melyn am wynt a glaw mewn grym yn yr ardal ar gyfer diwedd y Brifwyl.

Dywedodd yr Eisteddfod bryd hynny eu bod wedi dod i'r penderfyniad yn dilyn trafodaethau gyda "Chyngor Conwy, Heddlu Gogledd Cymru, Chyfoeth Naturiol Cymru ac eraill".

Mae'r trefnwyr bellach wedi cyhoeddi bod modd hawlio ad-daliad trwy a'i anfon at yr Eisteddfod.

Dywedon nhw fod yn rhaid gwneud hynny cyn 15 Medi.

Am docynnau cyfnod bydd ad-daliad am ddau ddiwrnod olaf yr wythnos, sy'n £50 ar gyfer tocyn bargen gynnar neu £65 am docyn gafodd ei brynu ar ôl 30 Mehefin.

Bydd ad-daliad hefyd i'r rheiny oedd wedi prynu tocynnau unigol ar gyfer gigs nos Wener a nos Sadwrn.