´óÏó´«Ã½

Yr actor a cherddor Iwan Fôn sy'n Ateb y Galw'r wythnos yma ar ôl iddo gael ei enwebu gan Angharad Tomos yr wythnos diwethaf.

Mae Iwan yn gyfarwydd i rai fel Jason yn y gyfres boblogaidd Rownd a Rownd, ond hefyd yn adnabyddus fel aelod o'r bandiau Y Reu a Kim Hon.

Beth ydi dy atgof cyntaf?

Chwara pêl-droed yn parc Carmel, oedd 'na gêm dda yno bryd hynny.

Pwy oeddet ti'n ei ffansio pan yn iau?

Fel llawer bachgen fy oed i, Britney Spears.

Beth oedd y digwyddiad a gododd y mwya' o gywilydd arnat ti erioed?

Dwn i'm am erioed ond ges i gopsan yn actio fel James Bond o gwmpas y tÅ· gan dyn golchi ffenestri wythnos dwytha'. Dwi'n cau cyrtans tro nesa'!

Pryd oedd y tro diwethaf i ti grïo?

Pan gollodd Cymru yn erbyn De Affrica yn Cwpan y Byd. Oeddwn i, fel llawer un, yn gutted!

Oes gen ti unrhyw arferion drwg?

Gormod. Ond dwi'n gobeithio fydd y flwyddyn newydd yn gyfle i gael gwared o rai ohonynt. Ella.

Dy hoff le yng Nghymru a pham?

Ar ben Moel Tryfan. Mae posib gweld pob man sydd yn bwysig ac yn annwyl i fi o'r copa.

Y noson orau i ti ei chael erioed?

Oedd headlineio Maes B yng Nghaerdydd yn noson 'na'i byth anghofio. Hen bryd cael y band nôl at ei gilydd dwi'n meddwl.

Disgrifia dy hun mewn tri gair.

Poen yn din.

Beth yw dy hoff lyfr neu ffilm?

Hoff lyfr - Henry Rider Haggard, King Solomon's Mines. (Mae'r gân Beef gan Y Reu wedi'i ysbrydoli gan y llyfr yma.) Hwn oedd y llyfr cynta' i fi ymgolli yn llwyr tra'n ei ddarllen. Ewch i ddarllen o, da chi!

Byw neu farw, gyda phwy fyddet ti'n cael diod?

Barti Ddu, dychmygwch yr hanesion. A'r meddwi.

Dyweda rywbeth amdanat ti dy hun nad oes yna lawer o bobl yn ei wybod.

O'n i'n arfer chwara'r ffidl.

Ar dy ddiwrnod olaf ar y blaned, beth fyddet ti'n ei wneud?

Gwledd enfawr a meddwi'n wirion bost efo teulu a ffrindia'.

O archif Ateb y Galw:

Beth yw dy hoff gân a pham?

Newid pob dydd, ond heddiw; Ghetto Brothers, Got this happy feeling. Dwi 'di bod mewn mŵd grêt ers gwrando arni bora 'ma!

Cwrs cyntaf, prif gwrs a phwdin - beth fyddai'r dewis?

Prawn cocktail Taid, cinio dydd Sul Nain (Nain fi yn well na nain chdi) a hufen iâ mint choc chip i orffen, a bach o gaws 'fyd.

Pwy sydd yn Ateb y Galw wythnos nesaf?

Owen Alun