Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Llwyfan Encore: Dydd Mercher 5 Awst
Yn ystod yr wythnos AmGen, Cymru Fyw yw cartref Llwyfan Encore yr Eisteddfod. Dewch yn 么l pob dydd i ddarganfod sesiynau amrywiol wedi eu cynhyrchu gan yr Eisteddfod Genedlaethol.
Sgwrs o bwys: Opera'r Cantor yn Cofid
Opera'r Cantor yn COFID gydag Elen ap Robert yn holi'r soprano Rhian Lois a'r bariton John Ieuan Jones am effaith y pandemig ar eu gyrfa fel cantorion proffesiynol ar adegau gwahanol o'u gyrfa.
Archif 2007: Caneuon a Sioeau Cerdd
Sgwrs ddifyr rhwng Rhys Jones, Ednyfed Williams ac Aled Lloyd Davies am ganeuon a sioeau cerdd a ysgrifennwyd ganddynt, yng nghwmni Aled Wyn Davies a Steffan Rhys Hughes.
#UnawdEncore: Ethnie Foulkes: Serei
Perfformiad gan Mared Pugh-Evans (telyn), T欧 Cerdd a Choleg Brenhinol Cerdd a Drama Cymru.
Mae gwaith atmosfferig Ethnie Foulkes ar gyfer telyn unigol yn cymryd ei enw o'r term meteorolegol a ddefnyddir pan fydd glaw yn disgyn o awyr sy'n ymddangos yn glir.
Meirion Williams - Portreadau o Natur 2, I'r Lloer
Yr ail mewn set o bedair c芒n a gyhoeddwyd gan T欧 Cerdd, rhai oedd heb eu recordio hyd yma. Llais Osian Wyn Bowen, gyda Zo毛 Smith, piano - T欧 Cerdd a Choleg Brenhinol Cerdd a Drama Cymru.
Un - Myfyrwyr BA Perfformio, Prifysgol Cymru y Drindod Dewi Sant
Mae unigrwydd yn bla. Hyd yn oed cyn argyfwng Covid-19 roedd pobol o bob oed yn teimlo'n gynyddol ynysig yn eu cymunedau.
Ond gall unigrwydd fod yn gyfle hefyd. Mae'n gyfle i fyfyrio, i ofyn cwestiynau ac i gyfaddef pethau na fyddech chi yn ei gyfaddef yn gyhoeddus.
Mae'r sioe 'Un' wedi bachu ar y cyfle creadigol hwnnw. Dyma gylch o ganeuon gwreiddiol gan Gruffudd Owen ac Eilir Owen Griffiths wedi eu creu yn arbennig i fyfyrwyr BA Perfformio, Prifysgol Cymru y Drindod Dewi Sant, a'u perfformio o dan amgylchiadau heriol gwanwyn 2020.
Patrick Rimes a Pres A5: 'Y Gardigan Eto' - 5. Threnody
Yn ystod Mis Mawrth 2020, roedd Patrick ar daith efo Calan ar draws yr UDA. Wrth iddo fynd o Ddwyrain i Orllewin y wlad, a gweld effeithiau coronafeirws yn cropian tuag ato, fe ddaeth hi'n amlwg fod y daith yn mynd i orfod dod i ben.
Fel gymaint o weithiau o'r blaen, ffans anhygoel Calan wnaeth godi calon ac achub y sefyllfa. Erbyn iddynt gamu oddi ar yr awyren yn Heathrow, roedd y Crowdfunder, a sefydlwyd 10 awr ynghynt i'w helpu gyda chostau'r daith adref wedi codi swp o arian, gan addo bob mathau o bethau! Roedd yn rhaid i Patrick roi gwersi ffidil dros y we, werthu ei siaced liwgar, ac roedd deg alaw newydd wedi ei gomisiynu gan wahanol unigolion.
Mae'r alawon wedi dod yn gyfeillion i Patrick yn ystod cyfnod y clo. Heb gyfleoedd i berfformio'n fyw, roedd cyfansoddi a threfnu'r deunydd yma yn un o'r unig ffyrdd o gadw cysylltiad gyda'r byd creadigol, mewn amser a fyddai wedi gallu bod yn dywyll iawn fel arall.
Yn fwy diweddar, mae Patrick wedi cael pleser mawr yn ail-ddychmygu'r alawon (ar y cyd gyda Gwyn Owen a Pres A5) i mewn i gyfanwaith, a dyma i chi'r bumed g芒n i'w mwynhau.
