Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
49 o artistiaid cerddorol i rannu 拢63,000 o gronfa Gorwelion
Ffynhonnell y llun, Gorwelion
Mae Cronfa Lansio Gorwelion wedi cyhoeddi'r 49 o artistiaid cerddorol fydd yn rhannu dros 拢63,000 fel rhan o'r prosiect eleni.
Mae'r bartneriaeth rhwng 大象传媒 Cymru a Chyngor y Celfyddydau wedi rhoi 拢273,000 er mwyn cefnogi dros 250 o unigolion a grwpiau ers ei sefydlu yn 2014.
Y cyllid eleni yw'r swm mwyaf ers i'r gronfa gael ei sefydlu.
Ymysg yr artistiaid sy'n derbyn cefnogaeth eleni mae Gwenno Morgan, Hanna Lili, KIM HON, Mali Haf, skylrk., SYBS a Tara Bandito.
Nod y cyllid yw helpu artistiaid i ddatblygu eu gyrfaoedd cerddorol, a "chefnogi gwaith talent newydd o bob cwr o'r wlad ac yn cwmpasu holl sbectrwm y byd cerddorol yng Nghymru".
Mae'r arian ar gyfer y Gronfa Lansio ar gael drwy'r Loteri Genedlaethol, ac yn cael ei ddyrannu gan Gyngor Celfyddydau Cymru.
Ffynhonnell y llun, Gorwelion
Pwy fydd yn derbyn arian eleni?
- ALICE LOW - CAERDYDD
- ANWAR SIZBA - CAERDYDD
- AISHA KIGS - CAERDYDD
- ALEKXSANDR, CAERDYDD
- ARTSHAWTY - CAERDYDD
- ASHA JANE - CAERDYDD
- BANDICOOT - ABERTAWE
- THE BUG CLUB - CIL-Y-COED, SIR FYNWY
- CHASING SHADOWS - SIR DDINBYCH
- CELAVI - BANGOR
- CLWB FUZZ - CAERDYDD
- CERYS HAFANA - MACHYNLLETH
- CI GOFOD - MAESTEG
- CUPSOFTE - CAERDYDD
- GWENNO MORGAN - BANGOR
- HANNA LILI - ABERSILI
- HEMES - PONTYPRIDD
- TEDDY HUNTER - CAERDYDD
- JAMES AND THE COLD GUN - CAERDYDD
- K(E)NZ - ABERTAWE
- KINNIGAN - CAERDYDD
- KIM HON - CAERNARFON
- HARRY JOWETT - BRO MORGANNWG
- L E M F R E C K - GWENT
- LLOYDY LEW - TORFAEN
- LUKE RV - CASTELL-NEDD
- MACE THE GREAT - CAERDYDD
- MALAN - CAERNARFON
- MALI HAF - CAERDYDD
- MANTARAYBRYN - CAERDYDD
- MIRARI MORE - CAERDYDD
- NIQUES - CAERDYDD
- PANTA RAY - CAERDYDD
- REBECCA HRN - PORTHCAWL
- ROMAN YASIN - CAERDYDD
- SKYLRK - DYFFRYN NANTLLE
- SOREN ARAUJO - CARDIFF
- SYBS - CASNEWYDD
- SU SANG SONG - CAERDYDD
- SZWE - CAERFYRDDIN
- TARA BANDITO - CAERDYDD
- TAPESTRI - SIR BENFRO/SIR F脭N
- THALO - PENYGROES
- WINGER RECORDS - SIR GAERFYRDDIN
- WOBBLI BOI - SIR GAERFYRDDIN
- WYNT - RHONDDA
- VOYA - CAERDYDD
- YAZMEAN - CAERDYDD
- XL LIFE - CAERDYDD
Ffynhonnell y llun, Gorwelion
Dywedodd Bethan Elfyn, rheolwr prosiect gyda Gorwelion fod y cynllun yn "rhoi'r camau cyntaf hollbwysig i artistiaid yng Nghymru".
"Mae'n bwysicach nag erioed i gysylltu cymuned, i gredu yn yr artistiaid a'u taith ac i roi buddsoddiad yn niwydiant cerddoriaeth Cymru, a hynny yn yr eco-system gyfan o amgylch yr artistiaid - o'r stiwdios, i gynhyrchwyr, labeli, cwmn茂au hyrwyddo a mwy," meddai.
Ychwanegodd Lisa Matthews-Jones, rheolwr portffolio yng Nghyngor Celfyddydau Cymru eu bod "wrth ein bodd o weld nifer a chyfoeth y ceisiadau a ddaeth i law".
"Mae llawer iawn o dalent cerddorol yng Nghymru ar draws pob genre ac ymhob cornel, ac mae'r Gronfa Lansio yn gyfle hollbwysig i ddyrchafu'r artistiaid hyn," meddai.
'Cymry mor lwcus'
Dywedodd Tara Bethan, sydd bellach yn perfformio dan enw Tara Bandito, y bydd yr arian yn gymorth i artistiaid cerddorol sydd wedi'i chael yn anodd yn ystod y pandemig.
"Fel Cymry 'dan ni mor lwcus. Mae bod yn gerddor - ymysg lot o jobsys eraill - yn y ddwy flynedd ddiwetha' 'ma yn sicr wedi bod yn anodd," meddai ar Dros Frecwast.
"Ond i fi yn bersonol be' fydd yr arian yma'n ei olygu ydy 'mod i'n gallu rhyddhau dau fideo cerddoriaeth arall ar ben yr un cyntaf, sef Blerr."
Ffynhonnell y llun, Gorwelion
Ychwanegodd Mali Haf ei bod wedi ystyried gwneud cais am y cynllun ers blynyddoedd.
"O'n i'n cofio pan o'n i yn arddegau fi ac o'dd mam yn dweud 'C'mon Mali ymgeisia am Gorwelion', ag o'n i fel 'fi ddim yn barod 'to'.
"Ond o'dd e wastad ar bucket list fi ag o'dd e mor sbesial cael e y tro cyntaf i fi drio amdano fe.
"Fi 'di dilyn e ers ages, gweld pwy sy'n mynd arno fe a chael yr arian, ac maen nhw mor dalentog ac anhygoel, ti'n meddwl 'ydw i'n gallu 'neud e?'"
