´óÏó´«Ã½

Mae'r ´óÏó´«Ã½ wedi cyhoeddi fod y darlledwr Huw Edwards yn gadael y gorfforaeth "ar sail cyngor meddygol".

Mae'r cyflwynydd newyddion wedi bod oddi ar yr awyr ers haf 2023 yn dilyn adroddiadau ei fod wedi rhoi arian i berson ifanc am luniau anweddus.

Y Cymro oedd y cyflwynydd newyddion mwyaf uchel ei broffil o fewn y ´óÏó´«Ã½, ac yn aml yn arwain darllediadau digwyddiadau o bwys cenedlaethol.

Mewn datganiad ddydd Llun, dywedodd y gorfforaeth: "Mae Huw Edwards wedi ymddiswyddo heddiw a gadael y ´óÏó´«Ã½."

Dywedodd llefarydd: "Yn dilyn 40 mlynedd o wasanaeth, mae Huw wedi egluro bod ei benderfyniad wedi ei wneud ar sail cyngor meddygol gan ei feddygon."

Ychwanegodd bod y ´óÏó´«Ã½ "wedi derbyn ei ymddiswyddiad" a'u bod yn "credu y bydd yn caniatáu i bawb symud ymlaen".

Roedd y darlledwr 62 oed, oedd yn brif gyflwynydd newyddion rhaglen ´óÏó´«Ã½ News at Ten, wedi ei wahardd o'i waith ers mis Gorffennaf.

Roedd hynny yn sgil honiadau ym mhapur newydd The Sun yn ymwneud â chyflwynydd "heb ei enwi" a thaliadau i ddyn ifanc am luniau anweddus.

Daeth dyddiau o ddyfalu pwy oedd y cyflwynydd i ben pan gyhoeddodd gwraig Huw Edwards, Vicky Flind, ddatganiad yn enwi ei gŵr.

Dywedodd ar y pryd mai pryder ynghylch ei les meddyliol ac awydd i warchod eu plant oedd y prif reswm dros gyhoeddi'r datganiad.

Ychwanegodd fod ei gŵr â phroblemau iechyd meddwl difrifol a'i fod wedi cael triniaeth at iselder difrifol yn y blynyddoedd diwethaf.

Ym mis Gorffennaf 2023 fe wnaeth lluoedd heddlu yn Llundain a de Cymru benderfynu nad oedd tystiolaeth fod Mr Edwards wedi cyflawni trosedd.

Dim tâl i adael

Mae'r ´óÏó´«Ã½ wedi cadarnhau nad yw Mr Edwards wedi cael ei dalu i adael.

Fe wnaeth y gorfforaeth gadarnhau ei fod wedi bod ar dâl llawn ers ei waharddiad, ond nad oes unrhyw arian pellach wedi cael ei dalu iddo.

Dywedodd y ´óÏó´«Ã½ ddydd Llun na fyddai'n briodol i wneud unrhyw sylw pellach.