����ý

Twitter

Nid pawb sydd wedi derbyn y neges am aros adref yn ystod y cyfnod yma - mae rhai'n mynnu mynd allan i wersylla hyd yn oed.

Mae'r gwaith wedi dechrau o sefydlu gorsaf brofi Covid-19 ym maes parcio Stadiwm Dinas Caerdydd.

Dyma'r olygfa ddiweddaraf o'r stadiwm heddiw.

2/2

Ychwanegodd Dr Robin Howe:

“Rydyn ni'n gwybod y gall aros gartref fod yn anodd, ac rydyn ni am ddiolch i bawb ledled Cymru am chwarae eu rhan wrth helpu i arafu lledaeniad y feirws.”

“Rhaid i aelodau’r cyhoedd gadw at reolau cadw pellter cymdeithasol ynghylch aros gartref, ac i ffwrdd oddi wrth eraill, a gyflwynwyd gan Lywodraeth y DU a Llywodraeth Cymru. Mae'r rheolau hyn ar gael ar wefan .

“Nid oes angen i bobl gysylltu ag NHS 111 mwyach os ydynt yn credu bod ganddynt Coronafeirws Newydd (COVID-19).

“Ni ddylai unrhyw un yr amheuir bod ganddo/ganddi salwch coronafeirws fynd i bractis meddyg teulu, fferyllfa nac ysbyty. Dim ond os yw'n teimlo na all ymdopi â'i symptomau gartref, fod ei gyflwr yn gwaethygu, neu os nad yw ei symptomau’n gwella ar ôl saith niwrnod y dylai gysylltu â NHS 111.

“Peidiwch â ffonio 999 oni bai eich bod yn profi argyfwng sy’n peryglu bywyd. Peidiwch â ffonio 999 dim ond oherwydd eich bod yn aros i 111 ateb eich galwad ffôn. Rydym yn deall bod llinellau 111 yn brysur, ond bydd rhywun yn ateb eich galwad ar ôl i chi aros.

“Mae'r cyhoedd yn chwarae rhan bwysig iawn wrth arafu lledaeniad yr haint. Wrth ddilyn y mesurau diweddaraf yn llym, byddwch yn amddiffyn eich hun a’r rhai mwyaf agored i niwed, ac yn helpu i leihau’r pwysau ar GIG Cymru ac yn lleihau effaith y feirws.”

1/2

Dywedodd Dr Robin Howe, Cyfarwyddwr Digwyddiad ar gyfer yr ymateb i'r achos o'r Coronafeirws Newydd (COVID-19) yn Iechyd Cyhoeddus Cymru:

“Mae 284 o achosion newydd wedi profi’n bositif am Coronafeirws Newydd (COVID-19) yng Nghymru, gan ddod â chyfanswm yr achosion a gadarnhawyd i 1,837 “ er bod gwir nifer yr achosion yn debygol o fod yn uwch.

“Mae 29 person arall a gafodd brawf positif am Coronafeirws Newydd (COVID-19) wedi marw, sy’n dod â nifer y marwolaethau yng Nghymru i 117.

“Mae’r cynnydd heddiw yn adlewyrchu cyfuniad o gynnydd gwirioneddol yn y niferoedd, ynghyd ag achosion ychwanegol a gofnodwyd o’r cyfnod adrodd blaenorol.

“Estynnwn ein cydymdeimlad i’r teuluoedd a'r ffrindiau sydd wedi'u heffeithio, a gofynnwn i'r rhai sy'n adrodd ar y sefyllfa barchu cyfrinachedd cleifion.

“Mae Coronafeirws Newydd (COVID-19) bellach yn cylchredeg ym mhob rhan o Gymru. Y camau pwysicaf y gallwn ni i gyd eu cymryd wrth ymladd Coronafeirws yw aros gartref er mwyn amddiffyn y GIG ac achub bywydau.

Twitter

Mae Iechyd Cyhoeddus Cymru wedi rhyddhau'r ffigyrau diweddaraf - rhagor o fanylion i ddilyn.

Dywed cwmni National Express eu bod yn rhoi'r gorau i'w gwasanaethau bws o hanner nos nos Sul 5 Ebrill.

Dywedodd prif weithredwr y cwmni Chris Hardy eu bod wedi bod yn cynnal gwasanaeth cyfyngedig yn ddiweddar er mwyn helpu unigolion mewn achosion lle'r oedd teithio yn angenrheidiol.

"Ond bellach dyw hi ddim yn bosib i ni barhau'r a'r gwasanaeth," meddai.

Heddlu Dyfed Powys

Mae Heddlu Dyfed-Powys wedi dirwyo tafarnwr yn Sanclêr, Sir Gaerfyrddin, am barhau ar agor.

Yn ôl y llu, roedd y tafarnwr eisoes wedi cael rhybudd ond heb ufuddhau.

Yn ogystal â'r ddirwy bydd yr heddlu yn anfon adroddiad am y digwyddiad at bwyllgor trwyddedu'r awdurdod lleol.

Mae Owen Williams wedi bod yn cael ychydig o hwyl yn addasu hen bosteri twristiaeth oedd yn hysbysebu atyniadau Cymru, er mwyn tanlinellu'r neges na ddylai neb ymweld ar hyn o bryd o achos y pandemig.

����ý Camp Lawn

Dywed Andrew Goodall fod y Gwasanaeth Iechyd yn gobeithio gallu cynnal hyd at 5,000 o brofion Covid-19 y dydd ymhen yr wythnosau nesaf.

Yn y gynhadledd i'r wasg ddyddiol dywedodd eu bod yn gobeithio cyrraedd targed o 1,100 y dydd erbyn diwedd yr wythnos hon.

Dywedodd Prif Weithredwr y Gwasanaeth Iechyd Andrew Goodall wrth newyddiadurwyr yn ystod diweddariad dyddiol y llywodraeth fod 55% o wlâu gofal critigol Cymru yn wag ar hyn o bryd.

Ychwanegodd fod 331 o wlâu gofal critigol yn y wlad - gydag un o bob pump o'r rhain yn cael eu defnyddio gan gleifion coronafeirws.

Roedd mwy o bwysau ar yr unedau critigol yn y de ddwyrain meddai.

Yn ôl Prif Weithredwr y Gwasanaeth Iechyd, Andrew Goodall, mae 1500 o staff y Gwasanaeth Iechyd wedi derbyn profion am Covid-19 hyd yn hyn.

Dywedodd fod lefel absenoldeb salwch staff y gwasanaeth ar hyn o bryd yn 10% - sydd ddwywaith yn uwch na'r ffigwr arferol.

Twitter

Gyda phrifysgolion ar gau oherwydd yr haint coronafeirws, mae Magi Tudur wedi gorfod gadael y brifddinas ar ôl dau dymor yn unig o'i blwyddyn gyntaf yn astudio meddygaeth.

Nawr mae hi'n cyfuno astudio ar-lein gyda gweithio mewn meddygfa ger ei chartref yn ardal Caernarfon yn ystod yr argyfwng iechyd. Mae hi wedi sgwennu erthygl i ����ý Cymru Fyw am y newidiadau sydyn i'w bywyd.

Ffynhonnell y llun, Llun cyfrannwr

Llywodraeth Cymru

Bydd cynhadledd i'r wasg ddyddiol Llywodraeth Cymru'n cael ei chynnal am 12:30 heddiw - gyda'r manylion diweddaraf am sefyllfa'r pandemig yng Nghymru.

Mae modd i chi ddilyn y gynhadledd ar S4C a ����ý One Wales.

Mae dyn o Abertawe sydd â phroblemau calon difrifol, yn dweud ei fod yn sownd yn Ne Affrica, gyda gwerth dyddiau'n unig o feddyginiaeth ar ôl.

Dim ond 60% o galon Phil Walker, 57, sy'n gweithio wedi iddo gael trawiad ar y galon.

Roedd Mr Walker a'i bartner Michelle Hall i fod i deithio yn ôl i'r DU gyda Virgin Atlantic ddydd Llun, ond cafodd yr hediad ei ganslo oherwydd coronafeirws.

Ffynhonnell y llun, LLUN TEULU

Twitter

Clwb Pêl-droed Dinas Caerdydd

Bydd rheolwr a phrif weithredwr Clwb Pêl-droed Caerdydd yn derbyn gostyngiad o 20% i'w cyflogau mewn ymateb i'r pandemig coronafeirws.

Dywedodd y clwb y bydd Neil Harris a Ken Choo yn gwneud hyn yn wirfoddol.

Mae cadeirydd y clwb, Mehmet Dalman wedi galw ar yr awdurdodau pêl-droed i sicrhau fod chwaraewyr hefyd yn derbyn toriadau i'w cyflogau.

Bydd mwyafrif o staff y clwb yn derbyn gostyngiad i'w cyflog, heblaw am y rhai sydd ar y cyflog isaf.

Bwriad y clwb ydi rhoi canran o'r staff ar gynllun 'furlough''r llywodraeth, gyda'r llywodraeth yn talu 80% o gyflogau unigolion am y tro.

Ffynhonnell y llun, Huw Evans Picture Agency