����ý

Dyna ni am ddiwrnod arall. Diolch i chi am ymuno efo ni heddiw a drwy gydol yr wythnos.

Ni fydd y llif byw yn dychwelyd dros y penwythnos, ond cofiwch ddarllen y wefan am y newyddion diweddaraf o Gymru.

Byddwch yn saff.

Sky News

Mae yn adrodd bod undeb athrawon wedi beirniadu Llywodraeth y DU yn dilyn cyfarfod i drafod ailagor ysgolion ar 1 Mehefin.

Dywedodd NASUWT fod y sgyrsiau "wedi codi mwy o gwestiynau nag atebion" - ac roedd yn honni nad oedd llywodraeth Boris Johnson wedi darparu unrhyw wybodaeth "i newid y farn gyffredinol bod y sylfaen dystiolaeth ar gyfer agor ysgolion o 1 Mehefin yn wan".

Dyw Llywodraeth Cymru heb roi dyddiad ar pryd fydd disgyblion yn dychwelyd i'r ysgol yma ond mae Mr Johnson wedi cyhoeddi y bydd rhai disgyblion yn Lloegr yn dychwelyd i'r ysgol ar y dyddiad hwnnw.

Ychwanegodd yr ysgrifennydd cyffredinol Dr Patrick Roach: "Mae'r NASUWT yn parhau i fod yn glir na ddylai unrhyw ysgol ailagor nes y gall ddangos ei bod yn ddiogel gwneud hynny."

Dywed cyfarwyddwr criced Morgannwg, Mark Wallace, fod y sir wedi dechrau trafodaethau â Llywodraeth Cymru ynglŷn â dychwelyd i ymarfer.

Nid yw rheolau Cymru ar gyfer chwaraeon broffesiynol wedi cael eu llacio yn unol â Lloegr.

"Maen nhw'n ymwybodol o'n sefyllfa ni ac rydyn ni'n cael sgyrsiau gyda nhw a gyda'r ECB [corff criced Cymru a Lloegr]," meddai Wallace.

Ffynhonnell y llun, Getty Images

Iechyd Cyhoeddus Cymru

Mae arolwg gan Iechyd Cyhoeddus Cymru yn dangos bod pobl yn yr ardaloedd mwyaf difreintiedig yn fwy tebygol o hunan-ynysu yn ystod y cyfyngiadau ac yn fwy tebygol o deimlo yn bryderus am eu hiechyd meddwl.

Bob wythnos mae'r corff wedi bod yn cynnal cyfweliadau gyda channoedd o bobl yng Nghymru er mwyn deall sut mae'r pandemig yn effeithio ar lesiant pobl.

Dywed yr adroddiad diweddaraf bod y rhai sydd yn byw mewn ardaloedd difreintiedig yn poeni fwy am fynd yn sâl a cholli anwyliaid.

Mark Drakeford yn dweud nad yw'n bwriadu rhwystro Abertawe a Chaerdydd rhag ail ddechrau'r tymor.

Prifysgol Caerdydd

Mae'r Athro Roger Awan-Scully wedi bod yn dadansoddi pôl gwleidyddol diweddar gafodd ei gynnal ym mis Ebrill.

Ymhlith y cwestiynau a ofynnwyd oedd sut roedd ein gwleidyddion mwyaf blaenllaw yn delio gyda'r argyfwng.

Dyw , meddai'r Athro Scully.

Eisteddfod Genedlaethol Cymru

Cerdd newydd gan Guto Dafydd, darlith am hanesion rhai o hen Eisteddfodau Caerdydd, tips ar sut i edrych ar ôl eich gwallt, cwis gan Maes B a cherddoriaeth gan Sorela - rhai o bigion yr wythnos AmGen gan yr Eisteddfod Genedlaethol.

Mae rhaglen wythnos gyntaf y prosiect newydd wedi ei chyhoeddi gydag un gweithgaredd y dydd yn digwydd ar draws sawl platfform.

Daw hyn wedi’r cyhoeddiad na fydd yr Eisteddfod Genedlaethol yn digwydd yn ei ffurf arferol eleni yn Nhregaron yn sgil y coronafeirws.

Dywedodd Prif Weithredwr yr Eisteddfod, Betsan Moses: “Gobeithio ein bod ni wedi llwyddo i gynnig rhywbeth i bawb yn y rhaglen gyntaf.

"Ein gobaith yw bod y rhaglen wythnosol yn cynnwys yr un cymysgedd eclectig ag ymweliad â’r Maes. Fe fydd y rhaglen yn amrywio o wythnos i wythnos, ac fe fyddwn yn cyhoeddi rhaglen yr wythnos ganlynol bob dydd Gwener.”

Mae'r pleidiau gwleidyddol eraill wedi bod yn ymateb i strategaeth Llywodraeth Cymru ar lacio'r cyfyngiadau'n raddol.

Dywedodd Adam Price, arweinydd Plaid Cymru, nad oes yna lawer o fanylion yn y cynllun ac y dylai Cymru fabwysiadu model Seland Newydd er mwyn "cael gwared ag achosion newydd yn hytrach na'u trin".

Dywedodd Plaid Brexit bod Llafur Cymru yn "chwarae gemau gwleidyddol" a'i bod hi'n amser "mabwysiadu system ar draws y DU i daclo'r feirws".

Heddlu De Cymru

Mae Heddlu De Cymru wedi dweud eu bod yn "ymwybodol" o gynlluniau i gynnal protestiadau yn erbyn cyfyngiadau'r llywodraeth dros y penwythnos.

"Rydym yn gweithio'n rheolaidd gyda threfnwyr protest i hwyluso arddangosiadau heddychlon a diogel sy'n tarfu cyn lleied â phosibl ar y cyhoedd," meddai datganiad.

"Fodd bynnag, rydym yn dal i wynebu'r argyfwng iechyd cyhoeddus mwyaf mewn cenedlaethau ac mae'r cyhoedd yn chwarae rhan allweddol wrth helpu i atal y pandemig rhag lledaenu."

Dywedodd y llu bod ganddyn nhw "ddyletswydd i ystyried yr holl ddeddfwriaeth berthnasol" wrth ymateb i unrhyw brotestiadau.

Ar hyn o bryd mae canllawiau Llywodraeth Cymru yn annog pobl i aros yn eu cartrefi ac i adael am resymau angenrheidiol yn unig.

Daily Post

Mae'r Daily Post yn adrodd bod pryderon yn y gogledd bod y feirws ar fin taro yn waeth yno.

Ardaloedd yn y de oedd wedi eu heffeithio fwyaf gyda'r pandemig ar y dechrau ond mae yn ddiweddar.

48 o achosion newydd oedd wedi'u cofnodi yn ardal Bwrdd Iechyd Betsi Cadwaladr ddoe.

Mae rhai yn ofni bod y gwaethaf i ddod.

����ý Wales News

Mae swyddogion heddlu yn Lloegr a Chymru wedi rhoi mwy na 14,000 o ddirwyon i bobl am eu bod wedi torri rheolau'r cyfyngiadau.

Heddlu'r Met yn Llundain wnaeth rhoi'r mwyaf o ddirwyon, 906 rhwng 27 Mawrth a 11 Mai.

Ond yng Ngwent roedd y ffigwr llawer yn is - 71 o ddirwyon. Mae'r data yn sôn am y cyfnod cyn i'r ddirwy yn Lloegr godi o £60 i £100.

Ffynhonnell y llun, Getty Images

Mae Undeb NAHT Cymru wedi croesawu'r ddogfen sydd wedi ei chyhoeddi gan Kirsty Williams heddiw.

Dywedodd Laura Doel, cyfarwyddwr yr undeb bod hi'n "galonogol i glywed" nad yw'r gweinidog wedi gosod dyddiad y bydd ysgolion yn ail agor.

"Mae'r fframwaith hwn yn cynnwys y ffactorau hanfodol sydd angen eu trafod cyn y gall plant ddychwelyd i'r ysgol, yn cynnwys y dystiolaeth feddygol a gwyddonol sydd yn sail i benderfyniadau a hefyd y goblygiadau ymarferol fel sut bydd modd cynnal ymbellhau cymdeithasol, disgwyliadau ar ysgolion a sut fydd ysgolion yn cael eu cefnogi drwy gydol y broses," meddai.

Taith tîm rygbi Cymru i Japan a Seland Newydd yn yr haf wedi cael ei gohirio.

Dywed gweinidog addysg Cymru y byddai pennu dyddiad ar hyn o bryd yn "beth anghywir i'w wneud".

Mae Golygydd Gwleidyddol ITV yn dweud bod Llywodraeth y DU yn anhapus gyda sylwadau Prif Weinidog Cymru.

Dywedodd Mr Drakeford yn y gynhadledd ddyddiol ei fod yn siomedig nad yw llywodraeth y DU wedi bod mewn cysylltiad gyda'i lywodraeth ef ers y cyfarfod COBRa diwethaf.

Llywodraeth Cymru'n cyhoeddi'r camau nesaf o ran llacio'r cyfyngiadau ond does dim amserlen penodol.

Bargyfreithiwr yn pryderu am nifer yr achosion llys sydd wedi eu gohirio oherwydd y pandemig.

Amgueddfa Cymru

Mae Cynghrair Bêl-droed Lloegr wedi cyhoeddi y bydd y gynghrair yn dod i ben ar unwaith wedi trafodaethau gyda'r 24 clwb - gan gynnwys Casnewydd.

Bydd y tabl terfynol yn defnyddio system o nifer o bwyntiau y mae pob clwb wedi'u cael ar gyfartaledd ymhob gêm.

Does din penderfyniad terfynol eto am ddyrchafiad neu a fydd clybiau'n disgyn o'r adran.