´óÏó´«Ã½

Mae'r Seintiau Newydd allan o rowndiau rhagbrofol Cynghrair y Pencampwyr ar ôl cael eu trechu o 5-1 gan BK Häcken o Sweden dros ddau gymal.

Ar ôl colli'r cymal cyntaf 3-1 oddi cartref yn Sweden, roedd tîm Craig Harrison yn wynebu talcen caled i symud ymlaen i'r rownd nesaf.

Er gwaethaf ymdrechion y Seintiau, pencampwyr presennol Sweden oedd yn fuddugol ar Neuadd y Parc nos Fawrth hefyd, gyda'u buddugoliaeth o 0-2 yn golygu eu bod yn mynd trwodd i'r ail rownd ragbrofol ar draul pencampwyr Cymru.

Aeth Häcken ar y blaen wedi 19 munud, gydag ergyd Ibrahim Sadiq o ymyl y cwrt cosbi yn gwyro oddi ar amddiffynnwr i gornel isa'r rhwyd.

Un gôl oedd ynddi tan y munud olaf, pan lwyddodd Momodou Sonko i ddyblu mantais yr ymwelwyr.

Ond dyw ymgyrch Ewropeaidd y Seintiau ddim ar ben eto - maen nhw'n disgyn i rowndiau rhagbrofol Cyngres Europa, sef y gystadleuaeth drydedd haen.