Dyn yn pledio'n ddieuog i lofruddio menyw yng Nghaerdydd

Ffynhonnell y llun, Heddlu De Cymru

Disgrifiad o'r llun, Mae teulu Victoria Thomas wedi ei disgrifio fel "merch, mam, chwaer, modryb, nith a ffrind annwyl iawn"

Mae dyn wedi pledio'n ddieuog i lofruddio menyw yng Nghaerdydd ym mis Awst.

Ymddangosodd Alcwyn Thomas, 44 oed, yn Llys y Goron Caerdydd wedi'i gyhuddo o lofruddio Victoria Thomas, 45.

Cafodd Ms Thomas ei chanfod yn farw mewn t欧 ar Heol Caerffili yn oriau m芒n y bore ar 20 Awst.

Yn dilyn ei marwolaeth, fe wnaeth teulu Ms Thomas ei disgrifio fel "merch, mam, chwaer, modryb, nith a ffrind annwyl iawn" sydd "wedi'i chymryd i ffwrdd mewn modd mor drasig".

Cafodd Alcwyn Thomas ei gadw yn y ddalfa a bydd yn sefyll ei brawf y flwyddyn nesaf.