´óÏó´«Ã½

Mae Rhian Cadwaladr yn adnabyddus am ei nofelau ac hefyd am ei ryseitiau blasus sydd wedi'u cyhoeddi mewn sawl llyfr coginio.

Mae'r awdur o Rosgadfan ger Caernarfon ar fin cyhoeddi ei nofel ddiweddaraf ar ddiwedd Mehefin o'r enw Gwaddol.

Nofel yw hi am heneiddio, am deulu, am gariad a galar.

Cyn i'r nofel gael ei chyhoeddi, dyma ddod i adnabod Rhian Cadwaladr ychydig yn well.

Clywed sŵn cân y fan hufen iâ yn y tŷ lle o'n i'n byw tan o'n i'n dair a hanner.

Fy ngardd yn Rhosgadfan yn edrych lawr ar Gastell Caernarfon a draw dros Ynys Môn.

Mae'n olygfa sydd dal i gymryd fy ngwynt er mod i yma ers 36 o flynyddoedd - ac mae'r awyr yn anferth ac yn wahanol bob dydd.

Mae erioed yn amser hir!

Dwi wedi cael amryw noson gofiadwy ond does dim un yn sefyll allan. Gobeithio bod yr orau eto i ddod!

Creadigol, diamynedd, siaradus.

Parti Dolig yn fy ngardd efo tair o fy ffrindiau hynaf yn 2020 adeg Covid, pan oedda ni ddim yn cael mynd i'r tŷ - pawb wedi lapio fel nionod ac yn dawnsio dan y sêr a jest yn falch o gael cwmni'n gilydd unwaith eto.

Gollwng platiad o chips, bîns a ŵy ar lin cwsmar pan o'n i'n waitress ifanc tair ar ddeg oed, yng nghaffi fy mam.

Wrth wylio rhagen drist ar y teledu ddoe, dwi'n crïo'n hawdd.

Oes - siarad ar draws pan dwi yn sgwrsio am rhywbeth sy'n golygu lot i mi, sori pawb dwi'n trïo peidio!

Gwallt coch oedd gen i pan o'n i'n ifanc.

Llyfr sgrap llawn rysetiau sydd gen i ers o'n i'n ddeuddeg oed - cychwyn taith oes o arbrofi yn y gegin.

Mi faswn i'n licio cyfarfod fy nain fuo farw cyn i mi gael fy ngeni, dwi'n gwybod fawr dim amdani ond roedd ganddi enw gwych - Beneth Maglona.

Trïo cael fy nheulu yngyd a deud wrthyn nhw gymaint dwi'n eu caru a pa mor falch dwi ohonyn nhw.

Tydw i ddim yn un i roi lluniau'r teulu hyd y tŷ ond mae gen i un mewn ffrâm wrth fy nesg - fy nhad efo fy mhlant pan oedda nhw'n fach.

Dwi wedi colli dad ers 2001 a dwi dal yn hiraethu amdano, ac am y plantos bach yn y llun.

Comisiynydd drama S4C er mwyn comisiynu troi un o fy nofelau i yn ffilm!