Gwyntoedd cryf Storm Ashley yn taro rhannau o Gymru

Ffynhonnell y llun, Chris Parry

Disgrifiad o'r llun, Tonnau mawr yng Nghricieth ddydd Sul

Mae yna wyntoedd cryf iawn yn siroedd gogledd orllewin ac ar hyd arfordir y gorllewin wrth i storm fawr gyntaf y tymor newydd daro'r DU.

Fe gyhoeddodd y Swyddfa Dywydd rybudd melyn am wynt sy'n effeithio ar siroedd Gwynedd, Ynys M么n, Conwy, Sir Ddinbych, Ceredigion a Sir Benfro yn sgil Storm Ashley.

Fe dddaeth i rym am 03:00 fore Sul ac fe fydd y para tan 23:59 nos Sul.

Mae disgwyl hyrddiadau hyd at 65 mya yn gyffredinol mewn mannau mewndirol, a hyd at 70 mya mewn mannau arfordirol ble mae llanw mawr yn ffactor ychwanegol.

Ffynhonnell y llun, Y Swyddfa Dywydd

Disgrifiad o'r llun, Mae'r rhybudd melyn am wynt mewn grym tan ganol nos Sul

Roedd yna rybudd melyn ar wah芒n am law trwm ar hyd y de ond fe ddaeth hwnnw i ben am 12:00 dydd Sul.

Fe allai'r amodau gwaethaf achosi llifogydd, trafferthion i yrwyr a theithwyr, difrod i adeiladau a thoriadau i gyflenwadau trydan.

Mae manylion diweddaraf rhybuddion llifogydd Cyfoeth Naturiol Cymru .