´óÏó´«Ã½

Dros y penwythnos roedd lonydd Pen LlÅ·n yn batrymau lliwgar o feiciau modur yn gyrru mewn confoi.

Roedd 170 o feiciau modur yn rhuo o bentref i bentref gydag un bwriad: i gasglu arian i achosion da.

Mae'r ddefod yn un flynyddol, gyda Chlwb Beicwyr LlÅ·n yn trefnu'r rali.

Mae'r clwb wedi bod mewn bodolaeth ers 2010, ers i glwb beicio Abersoch and District a sefydlwyd yn 2009 newid ei enw.

Erbyn hyn mae dros 50 o feicwyr yn dod at ei gilydd pob mis gyda'r bwriad o "wneud gwahaniaeth ym mywydau pobl eraill ac i gael hwyl."

Dyna ddisgrifiad cadeirydd y clwb, Eifion Roberts.

"Mae'r rali flynyddol wedi bod yn digwydd ers 14 blynedd. Rydym wedi casglu bron i £72,000 at achosion da," meddai.

Mae aelodau yn teithio o bell a dros y penwythnos roedd beicwyr cyn belled â Birmingham wedi ymuno yn y rali.

Roedd y Maes ym Mhwllheli yn llawn beics o bob maint a lliw ac roedd Arwyn 'Herald' Roberts yno i ddal y cyfan drwy lens ei gamera ar ran ´óÏó´«Ã½ Cymru Fyw.