´óÏó´«Ã½

Bydd ysgrifennydd diwylliant y DU yn siarad â chyfarwyddwr cyffredinol y ´óÏó´«Ã½ ddydd Iau am ymateb y gorfforaeth i achos Huw Edwards.

Daeth i'r amlwg nos Fercher bod y ´óÏó´«Ã½ wedi cael gwybod fod Edwards wedi'i arestio ar amheuaeth o droseddau yn ymwneud â lluniau o gam-drin plant ym mis Tachwedd 2023.

Mewn datganiad brynhawn Mercher, roedd y ´óÏó´«Ã½ ond wedi cyfeirio atynt fel "troseddau difrifol," heb fanylu ar eu natur.

Mae cyfarwyddwr cyffredinol y ´óÏó´«Ã½ bellach wedi cadarnhau fod categori'r troseddau wedi'i rannu â'r ´óÏó´«Ã½.

Yn ôl un sy'n gyfarwydd â'r sefyllfa, fe ddywedodd Heddlu'r Met wrth y ´óÏó´«Ã½ ar y pryd i beidio â rhannu'r manylion.

Cafodd y cyhoedd wybod am y datblygiad hwnnw yr wythnos hon.

Mae pwysau ar y gorfforaeth i egluro pam na chafodd Edwards ei ddiswyddo wedi i'r ´óÏó´«Ã½ ddod i wybod ei fod o wedi cael ei arestio, a pham barhaodd i'w dalu am bum mis wedi hynny.

Gadawodd Edwards y ´óÏó´«Ã½ ym mis Ebrill 2024 ar sail "cyngor meddygol".

Cafodd gyflog rhwng £475,000 a £479,999 yn 2023/24, yn ôl cyfrifon diweddaraf y ´óÏó´«Ã½ - cynnydd o £40,000 ar y flwyddyn gynt.

Fe wnaeth yr ysgrifennydd diwylliant, Lisa Nandy alw cyfarfod brys â Tim Davie er mwyn cael "eglurder pellach" ar y sefyllfa nos Fercher.

Mae disgwyl i'r ddau siarad dros y ffôn ddydd Iau.

Wedi i Edwards bledio'n euog ddydd Mercher, dywedodd llefarydd ar ran y ´óÏó´«Ã½ eu bod wedi eu "syfrdanu gan weithredoedd Mr Edwards" a'u bod yn "cydymdeimlo â'r rhai sydd wedi eu heffeithio".

Fe wnaeth cyfarwyddwr cyffredinol y ´óÏó´«Ã½, Tim Davie amddiffyn y penderfyniad i beidio â diswyddo Edwards.

Dywedodd ddydd Iau bod y gorfforaeth wedi gwneud "penderfyniadau anodd mewn modd teg a phwyllog".

"Mi oedden ni'n gwybod fod y peth yn ddifrifol," meddai.

"Doedden ni ddim wedi derbyn unrhyw fanylion, heblaw am gategori'r troseddau posib."

Doedd y ´óÏó´«Ã½ ddim yn ymwybodol o oed y plant yn y delweddau.

Ychwanegodd ei fod "bron yn amhosib" tynnu pensiwn Edwards oddi arno.

"O ran cyflog, eto, mae'n heriol yn gyfreithiol, ond mi wnawn ni edrych ar bob opsiwn."

Alex Williams, 25 o Ferthyr Tudful, oedd y dyn wnaeth rannu'r lluniau gydag Edwards.

Cafodd ei ddedfrydu i flwyddyn o garchar wedi ei ohirio ym mis Mawrth, ar ôl pledio'n euog i fod â delweddau categori A, B a C yn ei feddiant, yn ogystal â rhannu delweddau anweddus o blant.

Fe ddywedodd ei gymdogion wrth Newyddion S4C eu bod wedi'u "synnu" gan y newyddion.

Dywedon nhw eu bod yn "gwybod dim" am y ddedfryd ym mis Mawrth.

Yn ôl un sy'n byw ar stryd Williams, mae'r dyn 25 oed yn fyfyriwr prifysgol sy'n teithio'n "ôl a 'mlaen" i dŷ ei rieni.

Mae'r ´óÏó´«Ã½ ar ddeall y bu ei rieni yn y tÅ· heddiw, ond ni wnaeth unrhyw un ateb y drws i Newyddion S4C.

Dywedodd cymdogion Williams nad oedden nhw wedi gweld ef na'i gar am sawl diwrnod.