´óÏó´«Ã½

Sarah Wynn sy'n Ateb y Galw yr wythnos hon.

Yn wreiddiol o Fethel ger Caernarfon, mae hi'n llais cyfarwydd i wrandawyr Radio Cymru 2 ac yn gwirfoddoli gyda Radio Ysbyty Gwynedd ers dros 20 mlynedd.

Mae hi hefyd yn aelod o'r band nu-metal, CELAVI.

Dyma ddod i adnabod Sarah ychydig yn well.

Dwi’n cofio un Nadolig yn chwarae keyboard efo fy mrawd, a chofio eisiau aros i fyny’n hwyr i chwarae Mario!

Dwi wrth fy modd efo Caerdydd. Hoffi’r vibe yna, ac mae ‘na glwb roc dwi’n caru mynd i yno!

Dwi’n caru Pier Garth ym Mangor hefyd - hoffi cerdded ar y pier ar ddydd Sul, gweld y golygfeydd stunning a chael panad bach. Mor lwcus.

Pan wnes i briodi yn Las Vegas.

Priodas llawn hwyl, cymaint o atgofion melys, a threulio’r noson yn mynd o gwmpas mewn party bus ar strip Las Vegas efo teulu a ffrindiau, cyn mynd i The Golden Tiki yn Las Vegas i ddawnsio!

Hapus. creadigol a gweithgar.

Y tro gyntaf i mi gyflwyno ar ´óÏó´«Ã½ Radio Cymru 2.

Wir yn cael gwireddu breuddwyd cael cyflwyno ar yr orsaf anhygoel a chael bod yn rhan o dîm mor arbennig.

Mae Lisa Gwilym yn amazing ac mae’n fraint cael edrych ar ôl ei rhaglen hi.

Dwi mor ddiolchgar, ac wrth fy modd cael cyflwyno! Joio chwarae’r bangars hefyd!

Wnes i bron iawn ddisgyn oddi ar lwyfan mewn un o’r gigs gyntaf ‘nes i!

O'n i’n dawnsio ac yn bownsio o gwmpas y llwyfan, a wnes i ddim sylweddoli bo’ fi wedi symud yn rhy nôl at ddiwedd y llwyfan!

Dwi’n cofio teimlo’r teimlad o ddim byd o dan un o fy stiletos a dechrau chwifio fy mreichiau yn sydyn yn trio cael balans yn ôl!

Oeddwn i newydd ‘neud gig efo fy mand C E L A V I yn ddiweddar - ein gig cyntaf yn Llundain, a daeth hyrwyddwr gigs arall ata’ fi a chynnig gig arall i ni yn Llundain ar ôl gweld ni’n perfformio.

O'n i’n newydd ‘neud gig yn man geni Iron Maiden, newydd ryddhau cân newydd y diwrnod yna hefyd, a ges i foment emosh iawn!

Treulio lot o amser ar fy ffôn, ar y socials! Mynd i gysgu’n rhy hwyr, a chadw gormod o ddillad!

Fy hoff ffilm ydi Clueless. Dwi’n caru’r ffasiwn, a mae ffasiwn yn rhan mawr o fy mywyd i. Mae’r outfit check melyn gan Cher yn eiconig!

Caru ffilm Barbie hefyd!

Dwi hefyd yn hoffi ffilms Tim Burton - Edward Scissorhands, The Nightmare Before Christmas a Beetlejuice. Dwi'n hoffi pethau weird and wonderful!

Nain a Taid - methu nhw bob dydd.

Lady Gaga a Vivienne Westwood - gymaint o ysbrydoliaeth i fi, mor greadigol, cryf ac empowering.

Dwi’n cael fy nenu at gymeriadau sy’n annog ni i ddilyn ein breuddwydion a bod yn ni ein hunain.

Dwi’n gallu chwarae pêl-droed!

Mynd i Vegas - perfformio un gig olaf efo’r band yn cefnogi fy hoff fand, Bring Me The Horizon. Sa’n grêt gweld teulu a ffrindiau yn y dorf yn headbangio efo ni!

Wedyn bwyta pizza, yfed rym, a cael lot o hwyl, a lot o chwerthin!

Gennai lun ohona’ fi efo Mam, fy mrawd a fy Nain yn tŷ Nain a Taid ym Mangor.

Wnes i golli Taid dipyn o flynyddoedd yn ôl, ac oedd Nain yn gysylltiad pwysig i fi i’r ddau ohonyn nhw wedyn am flynyddoedd.

Mae’r llun yma’n arbennig iawn i mi - o'n i’n agos iawn i Nain a Taid, a gafo’ ni lwyth o hwyl efo Nain tan y diwedd.

Doedd hi ddim yn rili'n hoffi cael tynnu ei llun, bob tro yn tynnu stymiau neu oedd rhaid fi drio tynnu selfies heb iddi wybod! Ha!

Ond chwarae teg, wnaeth hi posio i fi ar gyfer y llun yma - mae mor werthfawr i fi!

Harley Quinn.