20mya: Cynnydd mawr mewn troseddu yn y gogledd

Disgrifiad o'r llun, Roedd un o'r rheiny a gafodd eu dal yn goryrru yn gwneud 70mya mewn man 20mya

Cafodd dros 740 o yrwyr eu dal yn torri'r terfyn cyflymder 20mya yng Nghymru fis Ebrill.

Gwelwyd cynnydd mawr yn nifer y gyrwyr a gafodd eu dal yng ngogledd Cymru - o 8 ym mis Mawrth i 251 ym mis Ebrill.

Ymysg y rheiny a gafodd eu dal yn goryrru mewn mannau 20mya ym mis Ebrill, roedd un yn gwneud 70mya.

Mae gostwng y terfyn cyflymder o 30 i 20mya mewn ardaloedd trefol wedi bod yn un o'r newidiadau mwyaf dadleuol yn hanes llywodraeth ddatganoledig Cymru.

Y nod yw achub bywydau ac annog mwy o bobl i gerdded neu seiclo, ond mae'r newid wedi hollti barn.

Sorry, we can鈥檛 display this part of the story on this lightweight mobile page.
View the full version of the page to see all the content.

Cafodd 251 eu dal yn y gogledd, tra mai 491 a gafodd eu dal trwy'r de a'r canolbarth.

Roedd y nifer yn y de a'r canolbarth yn ostyngiad bychan o'r 514 a gafodd eu dal ym mis Mawrth.

Cyflymder cyfartalog y rheiny a gafodd eu dal yn goryrru ym mis Ebrill oedd ychydig dros 30mya.

Mae'r Ysgrifennydd Trafnidiaeth Ken Skates wedi dweud y bydd rhai ffyrdd yn cael eu newid yn 么l i 30mya yn dilyn anniddigrwydd ymysg y cyhoedd, a bydd hynny'n digwydd o fis Medi.

Cafodd yr erthygl hon ei haddasu ar 10 Mai ar 么l i Heddlu Gogledd Cymru ddweud eu bod wedi cam-gofnodi'r ffigwr o 251 fel 660. Ymddiheurodd gan roi bai ar nam system data.