Rydyn ni wedi diweddaru ein Polisi Preifatrwydd a Chwcis
Rydyn ni wedi gwneud newidiadau pwysig i'n Polisi Preifatrwydd a Chwcis ac rydyn ni eisiau i chi wybod beth all hyn ei olygu i chi a'ch data.
Teyrngedau i reolwr Clwb ±Êê±ô-»å°ù´Ç±ð»å Y Felinheli, Euron Davies
Ffynhonnell y llun, Clwb ±Êê±ô-»å°ù´Ç±ð»å Y Felinheli
Mae nifer o deyrngedau wedi'u rhoi i reolwr tîm cyntaf Clwb ±Êê±ô-»å°ù´Ç±ð»å Y Felinheli sydd wedi marw'n sydyn.
Roedd Euron Wyn Davies yn 46 oed.
Ar y cyfryngau cymdeithasol mae nifer wedi dweud y bydd "colled enfawr" ar ôl "rheolwr cadarn a doeth".
Mewn datganiad ar gyfrif Facebook dywedodd llefarydd ar ran Clwb ±Êê±ô-»å°ù´Ç±ð»å Y Felinheli: "Trist iawn ydy gorfod cyhoeddi’r newyddion am farwolaeth sydyn ein rheolwr, Euron.
"Daeth ei weledigaeth â cyfnod llewyrchus iawn i’r clwb yn ystod ei gyfnod trawsnewidiol fel rheolwr.
"Rheolwr cadarn, doeth, a ffrind i bawb. A’i hiwmor yn liwgar trwy’r cwbl. Mae ein dyled fel clwb yn enfawr iddo.
"Colled mawr i’r clwb, i’r pentref, ac i’w deulu a’i ffrindiau oll."
Fel arwydd o barch fe gafodd gêm y clwb, sy'n chwarae yn nhrydedd haen pêl-droed Cymru, yn erbyn Mynydd y Fflint ddydd Sadwrn ei gohirio.
Mae’r erthygl hon yn cynnwys deunydd gan Facebook. Gofynnwn am eich caniatâd cyn llwytho unrhyw beth, gan y gallai Twitter ddefnyddio cwcis neu dechnoleg arall. Mae’n bosib eich bod am ddarllen Facebook a cyn derbyn. Er mwyn gweld y cynnwys dewiswch ‘derbyn a pharhau’.
Diwedd neges Facebook
Mae nifer wedi rhoi teyrngedau ar y cyfryngau cymdeithasol i Euron Davies.
Dywedodd Clwb ±Êê±ô-»å°ù´Ç±ð»å Llannefydd ei bod yn ddrwg iawn ganddynt glywed am y "golled enfawr" gan ei ddisgrifio yn "ddyn a hanner a roddodd bopeth i'r clwb".
Mae clybiau pêl-droed Porthaethwy, Llanrwst, Llangefni, Bethesda, Porthmadog a Phwllheli hefyd wedi estyn eu cydymdeimlad.
Wrth siarad â Cymru Fyw brynhawn Sadwrn dywedodd y sylwebydd pêl-droed, David James, fod Euron Davies yn "uchel ei barch".
"Doedd o ddim yn benboeth ac roedd o'n gwbl rhesymegol wrth siarad â dyfarnwr.
"Fe fydd yna golled fawr ar ei ôl a dwi'n cydymdeimlo'n fawr â chlwb pêl-droed Y Felinheli o glywed y newyddion trist," ychwanegodd.
Ychwanegodd Siân Gwenllian AS bod y newyddion yn "un hynod drist" a bod ei thri mab wedi elwa gymaint o fod yn ei dîm.
"Cyfraniad arbennig i bêl-droed llawr gwlad. Y pentref a'r ardal gyfan yn galaru ac yn meddwl am y teulu," ychwanegodd.
