´óÏó´«Ã½

Rinn an Rubha eachdraidh is iad a' crìochnachadh seusan Lìog Leodhàis is na Hearadh gun phuing idir a leigeil às.

'S e tadhal bho Rob Jones a rinn a' chùis air an Taobh Siar 1-0 oidhche Luain.

Dh'fhàg sin gun robh na Rubhaich air a h-uile gin de na 16 geamaichean acan san lìog a bhuannachadh.

Cha do thachair seo ann an Lìog Lèodhais is na Hearadh ach aon turas eile, air ais ann an 1981. 'B e an Rubha a rinn e a' bhliadhna sin cuideachd.

Tha cuid a-nise a' deasbad an dèanadh sgioba 2022 an gnothach air sgioba 1981.

Togail

Tha cothrom eile aig an Rubha duais a bharrachd a thogail ro dheireadh an t-seusain seo cuideachd is iad gus cluich an aghaidh nan nàbaidhean aca am Bac sa chuairt dheireannaich de Chupa Jock Stein Disathairne.

Leis gun do chaill an Taobh Siar oidhche Luain, chrìochnaich Nis san dàrna àite san lìog air cùl an Rubha.

Togail air choireigin a bhios sin dha Nis às dèidh dhaibh call ris na Siaraich sa chuairt dheireannaich de Chupa a' Cho-Op air an deireadh-sheachdain.

San dà gheama eile oidhche Luain, rinn Aths an gnothach air Càrlabhagh 2-1 is 's e 5-1 a bh' ann dhan Bhac an aghaidh United.