´óÏó´«Ã½

Ann an Dèanamaid Adhradh air an t-seachdain seo cluinnidh sibh na laoidhean is na sailm a leanas:
Salm 108 – Mo Chridhe Tha Am Fonn a Dhè le Cliar agus na Còisirean
Anna Nic na Ceàrdaich a’ seinn Air Gheugan Seilich Bhabylon
Catrìona Garbutt a’ seinn Ùrnaigh Chadail
Salm 90: 1-2 air fonn Martyrs agus ‘s e Iain MacIllEathain a tha os cionn na seinn bho clàradh a chaidh a dhèanamh ann an 1978 aig Ionad na Seann Daoine ann an Steòrnabhagh.

Leughadh: 1 Samuel 16: 14-23

Rugadh Dòmhnall Mìcheal ann am Baile Ghobhainn an Glaschu ach b' ann am baile Bhragair air taobh siar Leòdhais a thogadh e.

Bha e ag obair aig roinn an ionmhais aig Comhairle nan Eilean Siar airson 7 bliadhna agus às dèidh sin, fhuair e obair a' teagasg ceòl ann an sgoiltean Leòdhais agus na Hearadh gus an deach e a-staigh airson na ministrealachd ann an 1995.

Tha e an-diugh na mhinistear air paraiste Gairbraid ann an sgìre Maryhill an Glaschu.

Tha dà bhalach aige, Joel agus Samuel, agus tha e fhèin agus iad fhèin a' leantainn na 'Buddies', sgioba ball-coise St Mirren. Tha pìos talmhainn aige anns an ath bhaile far am bi e a' cur lusan - buntàta, càl agus currain - mar a thuirt e fhèin, 'dìreach mar Fiollagan'. Nuair a bhios ùine aige dha fhèin, bidh e a' cluich a' phìob agus a' coimhead Laurel and Hardy. Tha taigh fhathast aig Dòmhnall Mìcheal ann an Steòrnabhagh agus is caomh leis a bhith tilleadh ann airson saor-làithean.