´óÏó´«Ã½

Tha na solais Nollaig air an tionndadh air ann an iomadach baile mu thràth agus 's fhada bhon a nochd nithean Nollaig anns na bùithtean 's an Rìoghachd seo ach de mu dheidhinn thall thairis? An-diugh, tha sinn a' cluinntinn bho dhaoine anns An Fhraing, A Gearmailt agus fiùs Meagsago mu na tha tachairt 's na dùthchannan sin le nas lugha na mìos air fhàgail gu Latha na Nollaig fhèin.

Bha uair nach robh cranberries rim faighinn as na bùithtean an seo ach aig àm na Nollaig fhèin, agus mar as trice ann an cruth silidh a bha thu gan ithe an cois a' chearc-Fhrangach. Ach se dearcan a ghabhas an cleachdadh ann an dòighean eile cuideachd agus a th' air an comharrachadh mar mheas a tha fior mhath dha do shlàinte. Innsidh Calina Nic Dhòmhnaill an tuilleadh mun deidhinn agus dè ghabhas dèanamh leotha ann an fuine agus còcaireachd.

Tha Dòmhnall Uilleam Stiùbhart air ais còmhla rinn airson iomradh a thoirt seachad air Gàidheal eile a tha gu math cliùiteach ann an eachdraidh semaphores, an dòigh teachdaireachd innse tro bhrataich.

Agus tha Maureen NicLeòid a' cuir crìoch air a’ cuairt sìos an Nile airson cuid de na cànain a th’ air am bruidhinn air bràighdean na h-aibhne a chluinntinn. An-diugh tha i ag innse mu thrì cànain na Èipheit, Arabais na h-Èipheit, Coptach agus Domari. coinneach@bbc.co.uk