´óÏó´«Ã½

Thuige seo tha Criosaidh air a bhith ag innse dhuinn mu làithean a h-òige a’ fàs suas ann an Eòlaigearraidh, agus cha b’ urrainn dhut a bhith ann an coimhearsnachd na b’ fheàrr gu h-àraidh le comas seinn mar a bh’ aig Criosaidh agus am beairteas sheinneadairean is eile a bh’ anns a bhaile aig an àm.
Às dèidh Sgoil Eòlaigearraidh fhàgail chaidh Criosaidh a dh’ Inbhir Nis airson foghlam àrd-sgoile, ach an ceann ùine thill i dhachaigh. Aig aois gu math òg cho-dhùin i gun robh i gu bhith na banaltram 's rinn i an trèanadh gu ìre air tìr-mòr ach airson deifir adhbharan cha do chrìochnaich i e. Chuir i ùine seachad ann an Glaschu, Uibhist, Dùn Èideann agus sa Ghearastan ach mu dheireadh thill Criosaidh, an duine aice Dòmhnall san teaghlach air ais a Bharraigh far do rinn iad an dachaigh.
Anns a' phrògram mu dheireadh san t-sreath cluinnidh sinn mar a chaidh do Chriosaidh 's i air tilleadh air ais gu baile a h-àraich.