´óÏó´«Ã½

‘S iongantach gu robh dachaigh sna h-eileanan, dachaigh Gàidhealach an Glaschu neo air a’ Ghaidhealtachd far nach robh clàr leis a’ bhratach Gaelfonn ri fhaighinn aig àm air choireigin. Ach cò iad Gaelfonn?

Bha Murchadh MacFhearghais à Port Bhollair às a’ Rubha a Leòdhas math air òrain a ghabhail, math air an sgrìobhadh agus bha e cuideachd a’ còrdadh ris a bhith gan èisteachd. Ach mar a dh’innseas e fhèin dhuinn, thàinig àm ‘s nach robh na clàir ris am biodh e ag èisteachd cho furasta am faighinn. Agus 's ann an uair sin a chaidh eanchainn Mhurchaidh a' sàs sna leth-cheudan. Na obair latha bha e na fhear-tarraing an Glaschu agus bha companaidh aige a bha a' dèanamh sèithrichean, stùil agus bùird do thaighean-òsta agus chuir e an t-eòlas sin a' sàs ann a bhith a' clàradh sheinneadairean bho air feadh na Gàidhealtachd.

Ann a 1985 chaidh Neen NicAoidh a cheilidh air na dhachaigh as a' Rubha airson an sgeulachd fhaighinn.