´óÏó´«Ã½

Anns an t-sreath sa tha Coinneach Mac a’ Ghobhainn a’ tadhal air luchd-labhairt na Gàidhlig air feadh na Roinn Eòrpa aig àm nuair a tha crìochan air fàs gu math nas caochlaidiche. Sa phrògram sa tha e a-rithist anns a’ Bhruiseal: prìomh bhaile na Beilge agus na Roinn Eòrpa. ’S ann a seo a tha Eòghan Mitchison ag obair agus a’ fuireach.

Tha Eòghan a’ sealltainn togalach mòr pàrlamaid an Aonaidh Eòrpaich dhuinn – agus ag innse beagan mu na daoine, na h-obraichean, agus na cumhachdan a tha na chois. Agus mar fhear aig a bheil teaghlach à dà dhùthaich Eòrpach, tha Eòghan fhèin a’ beachdachadh air dè cho cudromach is a tha fèin-aithne Eòrpach – agus a bheil leithid de rud ann?

Cuideachd, tha iad a’ gabhail cuairt sìos seachad air oifigich riaghaltais agus a’ cluinntinn fuaimean, guthan, is ceòl ann an sgìre Mhatonge a Bhruiseil. ’S ann à Afraga a tha mòran dhe na tha a' fuireach a seo – agus tha cultar làidir aca a seo fhèin. Ach saoil dè a nì sibh dhen a’ seòrsa bidhe a gheibhear sna bùithtean a seo – an dùil dè seòrsa blas a th’ air bratag ròsta?