´óÏó´«Ã½

Anns an t-seirbheis cluinnidh sibh na laoidhean agus na leughaidhean a leanas:
A Thighearna Dhia, air a’ sheinn le Raibeart MacDhonnchaidh
A’ seinn an Kyrie agus Salm 84 bha Còisir Eaglais Naomh Barr sa Bhàgh a Tuath agus ‘s e Còisir Eaglais Naomh Pheadair a bha a’ seinn an Gloria agus 'Thighearna ar Dòchais.
Bha Sgoilearan bho Sgoil Lionacleit a' seinn, Tha sinn a' seasamh aig an t-Soisgeul.
A’ seinn Mìorbhail Gràis bha Raonaid Walker agus a’ seinn, O Iosa bi ’n Còmhnaidh, bha Mairead Ford.

Leughaidhean : Leabhar Lebhiticus 13: 1-2 & 44-46
1 Corintianaich 10: 31 – 11:01
Soisgeul Marcus 1: 40-45

Rugadh Mgr. Seumas an Eilean Bharraigh agus 's ann gu Colaiste na Sagairteachd anns an Ròimh a chaidh e airson ionnsachadh a bhith na shagart.

Bha e na shagart paraiste san Eilean Sgitheanach airson grunn bhliadhnaichean agus bha e cuideachd a' frithealadh paraiste an Dòrnaidh agus an Ath Leathainn. Roimhe sin, bha e na shagart paraiste ann am Beinn na Fadhla agus ann am Mòrar. Bha e cuideachd a' teagasg ann an Roinn na Diadhachd aig Oilthigh Ghlaschu airson còig bliadhna.

Tha Mgr. Seumas stèidhichte aig Cathair-eaglais Naomh Chaluim Chille san Òban. Nuair a gheibh e beagan ùine dha fhèin, 's toigh leis a bhith a' leughadh agus a' coiseachd.