´óÏó´«Ã½

Anns an t-seirbheis cluinnidh sibh na laoidhean, an salm agus an leughadh a leanas:
Màiri Mhoireasdan a’ seinn Hosanna don t-Slànaighear.
Ceòlraidh Ghàidhlig Ghlaschu a’ seinn Moladh Dia.
An còmhlan Cliar a’ seinn Salm 108.
Do Làmh a Chrìosta air a sheinn le Julie Fowlis.
Kathleen NicAonghais agus Catrìona Anna Nic-a-Phì a’ seinn Crann Ceusaidh na Nàire

Leughadh: Marcus 11: 1-11
Ceann-teagaisg: Marcus 11: 7- 9

Thàinig Siùsaidh NicDhonnchaidh (no Siùsaidh Algie, mar a bh' oirre mus do phòs i) dhan Eilean Sgiathanach nuair a bha i sia bliadhna deug. Dh'ionnsaich i Gàidhlig an Àrd-sgoil Phort Rìgh, 's chaidh i an uair sin gu Sabhal Mòr Ostaig. Bha i na neach-naidheachd air telebhisean agus rèidio airson ochd bliadhna deug, ag obair air prògraman leithid Telefios air Telebhisean Grampian agus Eòrpa is Aithris na Maidne air a' BhBC. Ghluais i a Shasainn ann an 2002 agus phòs i Mìcheal ann an 2005. Dìreach bliadhna às dèidh dhi pòsadh thàinig aillse broillich oirre, ach fhuair i seachad air.

Tha Siùsaidh air a bhith na Crìosdaidh faisg air dà fhichead bliadhna, agus tha i ag ràdh "gu bheil Dia air rudan mìorbhaileach a dhèanamh na beatha". Bha i fhèin agus an duine aice, Mìcheal, a' fuireach ann an Lunnainn fhads a bha Siùsaidh a' trèanadh airson na ministrealachd san Eaglais Bhaisteach aig Colaiste Spurgeon.

Fhuair i cead-searmonachaidh as t-samhradh 2017 agus tha i fhèin is Micheal stèidhichte ann am Poole ann an Dorset far a bheil i na ministear air Eaglais Bhaisteach Longfleet.