´óÏó´«Ã½

Anns an t-seirbheis cluinnidh sibh na sailm agus an leughadh a leanas:
Salm 62: 5-6 air fonn Torwood agus ‘s e Dòmhnall A MacLeòid a tha os cionn na seinn le taic bho choitheanal Eaglais Shaor Chrosboist.

Salm 63 : 2-3 air fonn New London agus ‘s e Dòmhnall MacLeòid a tha os cionn na seinn le taic bho coitheanalan Eaglais Leòdhais agus na Hearadh.

Leughadh : Deuteronmi 6: 10 – 25
Ceann-teagaisg: Deuteronmi 24:18

'S e Sgalpach a th' ann an Dòmhnall Iain agus mar a thuirt e fhèin, "rugadh agus thogadh mi san àite as brèagha de dh'Alba agus am pìos as fheàrr dha na Hearadh."

Tha Dòmhnall Iain pòsta aig Heidi, a tha às an Òlaind agus tha triùir chloinne aca.

Mus deach e gu Seamanaraidh na Diadhachd ann an Lunnainn, bha e gu mòr an sàs ann an obair-leasachaidh anns a' sgìre aige fhèin agus e air fhastadh aig Companaidh Leasachaidh na Hearadh Earranta airson 5 bliadhna. Dh'fhàg e a dhreuchd ann an 2000 agus chaidh e gu Colaiste na Diadhachd ann an Lunnainn far an do chuir e seachad 3 bliadhna.

Tha Dòmhnall Iain air a bhith na Chrìosdaidh bho 1988, às dèidh tubaist le càr far an do chaill boireannach a beatha. Tha e an-dràsta na mhiseanaraidh dachaigh leis an Eaglais Shaor Leantainneach ann an Inbhir Nis agus mar phàirt dhan obair aige, bidh e siubhail gu diofar sgìrean ann an Alba agus air feadh an t-saoghail, a' toirt an t-soisgeil gu aire dhaoine. Gu math tric, 's ann a-muigh air an t-sràid a bhios e a' searmonachadh.