´óÏó´«Ã½

Tha sinn a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann air a' bhliadhna seo. Tron bhliadhna, cluinnidh sinn taghaidhean de chuid de na chaidh a thogail le luchd-cruinneachaidh na Sgoile, a' mhòr-chuid dheth sna 50an agus na 60an, bho dhaoine a bh' air am bogadh ann an dualchas agus beul-aithris na Gàidhlig. Chaidh an t-sreath sa a chraoladh an toiseach nuair a bha an Sgoil a' comharrachadh 50 bliadhna ann an 2001.

‘S e Josh Dickson, a tha an-diugh na ollamh agus os cionn Ceòl Traidiseanta aig Conservatoire Rìoghail na h-Alba, a tha a’ beachdachadh air pìobaireachd Uibhist a Deas. Tha faisg air deich bliadhna fichead bho thàinig e a dh’Alba à Alaska airson ceum a dhèanamh ann an Gàidhlig aig Oilthigh Obar Dheathain agus a lean e air a' dèanamh PhD air pìobaireachd Uibhist a Deas.

'S iad na pìobairean air a bheil e' toirt sùil Seonaidh Dòmhnallach, Seonaidh Roidein à Dalabrog a bha na phìobaire sna Camshronaich sa Chiad Chogadh; P/M Niall MacIllFhinnein; Calum Peutan, Calum Eàirdsidh Choinnich, à Staoinibrig air an fheadan; Dòmhnall Ruadh Mac an t-Saoir à Snaoiseabhal a' canntaireachd; Ruaraidh Dòmhnallach, Ruaraidh Roidein à Dalabrog; Alasdair Boidhd às an Iochdair a bha cuideachd sna Camshronaich; Aonghas Caimbeul, Aonghas 'acNèill Chatrìona à Frobost agus Uilleam Moireasdan à Loch Aineort.

A thuilleadh orrasan cluinnidh sinn cuideachd naidheachd mu phìobairean ainmeil Smeircleit.