´óÏó´«Ã½

'S e sreath ùr a' comharrachadh gu bheil 70 bliadhna bho chaidh Sgoil Eòlais na h-Alba a stèidheachadh aig Oilthigh Dhùn Èideann a th' ann a Sgaoileadh an Eòlais. Tha sinn air iarraidh air grunn dhaoine taghadh a dhèanamh air clàraidhean a tha prìseil dhaibhsan à tasglann na Sgoile ge b' e daoine a bhuineadh dhaibh, sgìre air a bheil iad eòlach neo cuspair anns a bheil ùidh aca. Agus abair gun d'fhuair sinn taghadh de dhualchas agus beul-aithris na Gàidhlig!

Chaidh Anna NicGuaire a thogail a’ cluinntinn sgeulachdan bho a h-athair mun eòlas air dualchas agus briathrachas sònraichte Muileach a bh 'aig an fhear a tha i a' toirt far comhair a seo. 'S e bràthair a sean-seanmhair a bh' ann an Eàirdsidh MacIllEathain (1880–1972) a rugadh 's a thogadh ann an Àrd Tuna, sa Ros Mhuileach.

Tha sinn a' cluinntinn cho fiosrach 's a bha e mu eich agus mu acfhainn an eich agus an t-èolas a bh' aige air mar a bhathas a' dèanamh a h-uile càil bho gual-mòine, gu clèibh agus cuibhlichean snìomh gu togail thaighean.

Tha iomadh còmhradh fada aig Sgoil Sgoil Eòlais na h-Alba eadar Eàirdsidh agus na sàr-sgoilearan air ainmean-àite, Iain Friseil agus an t-Ollamh Wilhelm Nicolaisen, agus e a’ bruidhinn gu mionaideach air ainmean-àite timcheall air Loch Sgrìodain agus an Ros Mhuileach agus gheibh sinn criomag dhen a sin bhuaipe.