´óÏó´«Ã½

Anns an t-seirbheis cluinnidh sibh na sailm agus an leughadh a leanas:
Salm 23: 1-2 air fonn Free Church agus ‘s e Aonghas Dòmhnallach a tha os cionn na seinn le taic bho choitheanal Seamanaraidh na h-Eaglaise Saoire ann an Steòrnabhagh.
Salm 57: 1 air fonn Martyrdom agus ‘s e Seonaidh MacSuain a tha os cionn na seinn le taic bho choitheanalan Eaglaisean Leòdhais agus na Hearadh a chaidh a chlàradh ann an Eaglais Shaor a’ Bhac.
Salm 103: 17-18 air fonn Dundee agus ‘s e Dòmhnall MacLeòid a tha os cionn na seinn le taic bho choitheanal Seamanaraidh na h-Eaglaise Saoire ann an Steòrnabhagh.
Leughadh: Philipianaich 4: 4-11
Ceann-teagaisg : Philipianaich 4: 11

Chaidh an t-Urramach Calum Iain MacLeòid a phòsadh ri coitheanal Fearann na Tòiseachd agus Ruigh Sholais ann an 2019. Thug e ochd bliadhna roimhe sin os cionn coitheanal Eaglais Shaor a’ Bhac agus roimhe sin bha e ann am Barabhas. Mus deach e a-steach airson na ministrealachd, bha e na mhanaidsear air Pròiseact Urras Choimhearsnachd Chalanais agus nan Geàrrannan air taobh siar Leòdhais.

'S ann do dh'eilean Sgalpaigh a bhuineas Calum Iain, agus thàinig e gu bhith na Chrìosdaidh nuair a bha e trì bliadhna deug a dh'aois. Tha e fada an comainn an Urramaich Alasdair Mac a' Ghobhainn, a bha na mhinistear ann an Eaglais Shaor Sgalpaigh aig an àm, airson an taic agus an stiùireadh a thug e dha na òige.

Tha e pòsta aig Dina agus tha triùir chloinne aca, Anne Marie, Rachel Kate agus Eilidh. Nuair a gheibh e ùine dha fhèin, is toigh leis a bhith ag iasgach, a' coiseachd agus a' coimhead eunlaith.