´óÏó´«Ã½

Tha mòran eòlach air comasan Mhurdani Mast, nach maireann, mar bhàird, le òrain mar Òran na Beairt am measg iomadach òran eile. Mar sheòladair chunnaic e a' mhòr chuid dhen t-saoghal na òige ach b' ann a Marabhaig, air taobh deas nan Loch a Leòdhas, baile àraich, a chuir e seachad a' mhòr-chuid de bheatha agus b' e na h-eòlaichean aige ann a sin, agus na chunnaic e a' tachairt mu chuairt air, a ghluais e gu bàrdachd. Anns a' phrògram seo, a chlàr e bho chionn beagan bhliadhnaichean còmhla ri Ishbel NicIllFhinnein, chuir e cuairt air a bhaile, a bheatha agus a bhàrdachd agus sheinn e cuid de na h-òrain aige.

Tha am prògram mar chuimhneachan air ar deagh charaid ‘s ar co-obraiche aig ´óÏó´«Ã½ Radio nan Gàidheal, Ishbel NicIllFhinnein a chaochail sa Mhàirt am-bliadhna. Ged nach robh Ishbel a’ craoladh sna bliadhnaichean mu dheireadh le a h-obair mar neach-deasachaidh, ‘s e craoladair air leth a bh’ innte, agus tuigse shònraichte aice air a' luchd-èisteachd 's air coimhearsnachd agus bha a coimhearsnachd fhèin ann am Marabhaig aig teis-meadhan a beatha.