´óÏó´«Ã½

Anns an t-seirbheis cluinnidh sibh na laoidhean agus an leughadh a leanas:
Màiri Mhoireasdan a’ seinn Hosanna don t-Slànaighear
O Nach Domhainn Gràdh Gràsmhòr Iosa, air a sheinn le Muriel Urchardan.
Mol do Dhia le Buidheachas is Sòlas, air a sheinn le Màiri Anna NicUalraig, Joy Dunlop, Eòghainn MacEanruig agus Fearghas Rothach.
Nas Dlùithe Dhut Fèin, a Dhè, air a sheinn le Seumas Greumach agus Rory MacMhathain
agus Cia Domhain Gràdh an Athar Dhuinn le Donnie Murdo MacLeòid, Màiri Anna NicUalraig agus Brùs MacGriogair

Leughadh: Eòin 12: 1-19

Thàinig Siùsaidh NicDhonnchaidh (no Siùsaidh Algie, mar a bh' oirre mus do phòs i) dhan Eilean Sgiathanach sna 90an nuair a bha i sia bliadhna deug. Dh'ionnsaich i Gàidhlig aig Ard-sgoil Phort Rìgh, 's chaidh i an uair sin gu Sabhal Mòr Ostaig. Bha i na neach-naidheachd air telebhisean agus rèidio airson ochd bliadhna deug, ag obair air prògraman leithid Telefios air Telebhisean Grampian agus Eòrpa is Aithris na Maidne air a' BhBC. Ghluais i a Shasainn ann an 2002 agus phòs i Mìcheal ann an 2005. Dìreach bliadhna às dèidh dhi pòsadh thàinig aillse broillich oirre, ach fhuair i seachad air.

Tha Siùsaidh air a bhith na Crìosdaidh faisg air dà fhichead bliadhna, agus tha i ag ràdh "gu bheil Dia air rudan mìorbhaileach a dhèanamh na beatha". Bha i fhèin agus an duine aice a' fuireach ann an Lunnainn fhad 's a bha Siùsaidh a' trèanadh airson na ministrealachd san Eaglais Bhaisteach aig Colaiste Spurgeon.

Fhuair i cead-searmonachaidh ann an 2017 agus bha i fhèin is Mìcheal stèidhichte ann am Poole ann an Dorset far an robh i na ministear air Eaglais Bhaisteach Longfleet. An-uiridh ghluais Siùsaidh, Mìcheal agus màthair Siùsaidh a dh'Alba.