´óÏó´«Ã½

B’ ann air an teilidh, uaireigin sna trì ficheadan, a chunnaic Jo NicDhòmhnaill an Dr Iain Mac a’ Ghobhainn an toiseach. Cha robh air ach paidhir pyjamas agus bha e na shuidhe air ciste-teatha! Bha adhbhar airson sin, mar a chluinneas sinn, ach cha robh e idir co-cheangailte na dhreuchd mar dhotair teaghlaich. A bharrachd air a bhith na dhotair tha Iain Mac a’ Ghobhainn air mòran a chur ri soirbheachas An Lanntair, an t-ionad ealain ann a Steòrnabhagh, agus tha e aithnichte am measg phìobairean mar eòlaiche agus mar bhritheamh, ’s chan eil a sin ach cuspair no dhà air an tug e fhèin 's Jo tarraing sa chòmhradh a bh' aca thairis air na trì prògraman san t-sreath.

Sa chiad phrògram, innsidh e dhuinn na h-adbharan a bh' air cùl gun raghnaich e a dhol a-steach airson a bhith na dhotair agus mar a bha e na oileanach an Obar Dheathain. B' ann a sin a dh'fheuch e air cur-seachad ùr, fear a th' air leantainn ris fad a bheatha.