´óÏó´«Ã½

An Nowodhow, 28ves a vis Genver 2018
Gorthugher da, ha dynnargh dhe dhyllans a'n seythen ma 'An Nowodhow' war ´óÏó´«Ã½ Radyo Kernow. *Yma niverow brassa a eghennow anteythyek owth omdhiskwedhes a-dro dhe'n arvor soth-west, herwydh hwithroryon.Naturor Steve Trewella a lever yma an enevales morek ow viajya a-dreus dhe  Geynvor Atlantek dhyworth an Mor Karribean ha Florida yn atal mor kepar ha botellow plastek ha daffar pyskessa.Yma own dhe nebes godhonydhyon y hallsa an eghennow ma karya virusys hag a allsa nasya pyskvaow. Steve a leveris ev dhe dhanvon neb unn kanker may kavsa ev dhe Withti Istori Kenedhlek, ha possybyl yw ev dhe vos eghen nowydh."Wosa diw vledhen, ny wodhons i hwath py par kanker yw.   Yntanus ha didheurek yw henna rag naturor."*Teylu hag o diegrys gans myns a strol gesys war drethow kernewek re dreylyas nebes a'ga diskudhansow yn hwelyow art. Vanessa Gosbee, neb a drig yn Lannwedhenek, a leveris hi ha'y mebyon dhe dhiskudha moy ha moy strol a-gynsow.Hager-awelyow yn mis Genver re skubyas "tonn lanow a skoll" dhyworth goles an mor hag y dewlel war drethow an soth-west.  Ms Gosbee a leveris yth yw an art res dhe vosti teythyek, hag a'n gwerth rag arghasa karthyon trethow.Herwydh Ms Gosbee, yth o an gwettha treth a lanhasons Porth Kostentin yn Kernow kledh.   "Yth esa kalsow a skoll", yn-medh hi.  "Y hallsen ni lenwel yn es moy es hwegh kans sagh a atal."Botas koth, manegow leuvvedhegel, milyow a votellow plastek… yth esa kemmys skoll."  *Tri jynn tan byghan nowydh a vydh delivrys dhe Danlu ha Gonis Sawyans Kernow an mis ma.An Tanlu a dwityas, "Braster byghanna an kerri a wra aga gweres owth oberi yn stretys kul ha ranndiryow powek."Tangasoryon a'n gonis kernewek a vetyas gans tangasoryon dhyworth Austria, neb re wrug devnydh a'n kerri ma dres meur a vledhynnyow, yn studhyow hevelep.Pennsodhek an Tanlu, Paul Walker, a leveris:  "Yn fenowgh, yth yw agan kerri hengovek, dewdhek poynt pymp tonnas aga foos, chalenjys gans agan fordhow powek.  Ytho, an kerri byghanna ma, pymp y'ga mayni, a vydh keworrans pur dha dh'agan kuntel."*Kynsa kampyorieth an bys rag skathow lewyader dhe vos synsys a-ji a hwer yn Kernow dhe benn mis Hwevrer.  Yma Ragdres Eden ow kesoberi gans Kowethas Skathow Lewyader Kernewek rag ordena dydh a resegow a-bervedh an bayomes.Y fydh resek finel ygor, dew vil veter y hirdir.  Kyns henna, y fydh resegow berra a onan mil veter, ha resek rag parys kemyskys a syns ynna dew dhen ha diw venyn warbarth.   Ynwedh, y fydh chalenj rag bagasow, seytek kilometer ha tri ugens y hirdir, hag a wra pesya dres an jydh oll.  Oll an resegow a vydh war jynnow-revya.Rag tus na revyons, y fydh kedhlow a-dro dhe'n istori a resek skathow lewyader, hag a-dro fatel yw gwrys an skathow.An kampyoriethow a vydh synsys Dy' Sadorn, an peswora warn ugens a vis Hwevrer.   Y fydh klassow diblans rag kesstrivoryon ha kesstrivoresow, rag tus kottha ha rag yonkers.*Yth esowgh hwi ow koslowes orth 'An Nowodhow' war ´óÏó´«Ã½ Radyo Kernow. An dowlen an seythen ma a veu skrifys genev vy, John Prowse. Bys dy'Sul nessa, nos da dhywgh hwi oll.