大象传媒

An Nowodhow

Sunday 20 March 2022

Script 鈥� final

听

Dohajydh da, ha dynnargh dhe dhyllans a鈥檔 seythen ma 鈥楢n Nowodhow鈥� war 大象传媒 Radyo Kernow.

*

Yma kasys a govid-19 yn Kernow ow kressya arta, herwydh hembrenkysi gemeneth.

Kernow ha Syllan a welas seyth kans unnek kas ha dew ugens pub kans mil person y鈥檔 seyth dydh bys y鈥檔 degves a vis Meurth, kressyans dhyworth beswar kans ha dew y鈥檔 seythen kyns. Kevradh Pow Sows o pymp kans onan ha dew ugens.

Chifys yeghes a leveris bos kasys yn klavjiow ow moghhe, ha chifys adhyskans a leveris skolyow dhe enebi chalenjys ha kevradhow ow kressya yn mysk studhyoryon ha meni.

Keskowethyans Kernow Penndhyskadoryon Nessa a leveris re beu pub skol nasyes yn tiblans.

Y leveris ynwedh, ha fronansow ow korfenna yn Pow Sows, re beu moy kales dhe dowla, drefen nag o aswonys pub-dedhyek pygemmys dyskadoryon ha meni skoodhya dhe oberi.

Kate Shields, dhyworth Kesva With Ewngemyskys NHS Kernow ha Syllan a leveris 鈥渂os lies owth ombrevi posedhek yn klavji鈥�.

Yn medh hi 鈥測th eson ni ow tismygi dell dheffo nebonan a-ji heb arwodh rag ken dyghtyans.

Ena y hwren ni 鈥渆rvira an le ma鈥檚 gorryn ynno dhe witha tus woliadow, ha re beu res dhyn dehweles dhe鈥檔 avisyans 鈥榙iwleuv, fas ha spas鈥�.鈥�

Posow re sewyas Trest Klavjiow Riel Kernow dhe dweetya na godh tus 鈥渄os dhe onan a鈥檊an klavjiow heb kyns kestava orth NHS 111.鈥�

Konyk Kovid Doktour David Strain, dhyworth Skol Vedhegel Pennskol Karesk, a leveris bos ev ha鈥檡 gowethysi erel 鈥渟ur bos hemma, yn rann, awos lyftya fronansow mask yn mis Hwevrer, hag ena an iselheans previ, ha fowt edhom a omenyshe rag an re na gans Kovid heb arwodh.鈥�

Ev a leveris y hwrussa gwiska maskyow iselhe kasys, ha kyn nag yw erghys yn laghel namoy, ny styr bos hemma an dra gamm dhe wul.

Ev a leveris 鈥渉eb mar yth yw an sempella tra a yllyn gul dhe lehe an lesans na.鈥�

Yn Dewnens, yma moy es mil oberoryon NHS mes a weyth, awos 鈥渒udynnow kelmys dhe Govid鈥�, yn medh chif yeghes.

*

Y fydh hwarvedhyansow heb kost profys dhe bareusi negysyow yn Kernow rag bledhen moy a dornyaseth.

An esedhogow, ostys gans kowethyans tornyaseth Visit Cornwall, a wra tochya war ardhyghtya goredhom a gost bewnans, keffrys ha chalenjys mayni ha skoodh negys.

Kemyskans a hwarvedhyansow warlinen hag yn person yw gwaytys dhe dhalleth yn mis Meurth.

Leveryas a leveris an esedhogow dhe vedra gweres negysyow ow pareusi rag chalenjys ha chonsow a dheu.

Malcolm Bell, pennweythresek chif Visit Cornwall a leveris re bia lies ughboynt hag ispoynt rag ranngylgh tornyaseth hag ostyans yn Kernow dres an dhiw vledhen bassyes.

Y leveris ev, 鈥渄ell hevel, 2022 a vydh bledhen dhidheurek aral ha negysyow owth enebi posow hwythans, agan gwestoryon owth ardhyghtya goredhom kost bewnans, keffrys ha kesstriv tramor owth oberi yn leun, dell welir der an niver bras a argemynnow dy鈥檊ol war agan skrinyow.鈥�

Servisyow o diallos dhe ardhyghtya an myns a vysystoryon yn Kernow yn mis Est 2021.

Y fydh arethoryon ow vysytya, ha鈥檔 hwarvedhyansow yw heb kost dhe attendya, hag ygor dhe bubonan.

Yth ynnir tus dhe ragerghi der Eventbrite.

*

Ha wortiwedh hedhyw, Kapten skath re dheskrifas fatel o ev 鈥渁vlavar鈥� dhe gavos morvleydh Tir Glas, martesen kansow y vloodh, yn moryow mes a Gernow.

Yth esa Trev Worth yn mes gans y esel mayni Kingsley, pan aspisons an kreatur 鈥済inormous鈥� y鈥檔 dowr.

Dell grysir bos an keth morvleydh hag a veu kevys marow yn Porth Lulyn a-varra y鈥檔 seythen. Y tennys skeusen, mes y feu skubellys dhe-ves yn mor kyns gallos bos daskevys.

Korf an morvleydh a veu aspiys gans Kingsley, hwetek bloodh y oos, yn gorthugher dy鈥橫eurth, hag a veu daskevys wosa govyn gans Rosweyth Strandyans Morek.

An korf a veu tirys dhe Lulyn hag a vydh eksamnys gans mil-pathologydh.

Abby Crosby, dhyworth Trest Bewnans Gwyls Kernow a leveris bos morvleydhes Tir Glas 鈥渢anow dres eghen鈥�, ha na veu strandyes onan war arvor Ruvaneth Unys a-dhia 2013 yn Northumberland.

Y leveris y prof 鈥渃hons鈥� dhe studhya an eneval yn-ogas.

Morvleydhes Tir Glas a yll tevi bys dhe bymp meter aga hirder.

Y hyllir aga havos ow neuvya yn lent, der an dowryow yeyn ha down Atlantek North.

Hwithroryon re leveris kyns na dyv an morvleydhes saw unn centimeter pub bledhen, hag yw adhves a-dro dhe gans ha hanterkans bloodh.

*

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys genev vy, Duncan McIntosh. An pennskrifer o Steve Harris. Bys dy鈥橲ul nessa, dohajydh da dhywgh hwi oll.