大象传媒

An Nowodhow: an 27ves a vis Meurth 2022

听

Dohajydh da, ha dynnargh dhe dhyllans an seythen ma 'An Nowodhow' war 大象传媒 Radyo Kernow.

Kreslu Kernow ha Dewnens re beu ow kesoberi gans kresluyow erel a鈥檔 ranndir Soth West rag synsi droggys, moy es peswar kans mil beuns aga thalvosogeth.

听

An kreslu a dherivas bos amkan an oberyans, Skorpyon y hanow, dhe goderri an 鈥渓inennow konteth鈥� 鈥� rosweyth hag a werth ha lesran droggys dhyworth an trevow bys y鈥檔 ranndiryow powek - ha dhe wruthyl 鈥渒ylgh a dhur鈥� a-dro dhe鈥檔 Soth West erbynn drogwesyon.

听

Yn fenowgh, dyghtyoryon an linennow konteth ma a wra devnydh a fleghes ha tus woliadow rag lesranna an droggys, hag y hallas an kreslu difres moy es tri hans den a鈥檔 par ma.

听

Herwydh an kreslu, pur sewen o an oberyans ha dalghennys veu kans, peswardhek ha peswar ugens a dus. Synsys ynwedh veu kans mil, unnek warn ugens a beunsow yn mona parys, dhe鈥檔 lyha.

听

Hemm yw an kynsa prys an pymp kreslu a鈥檔 ranndir Soth West dhe gesoberi y鈥檔 fordh ma.

听

Aluseneth hag a lesran gwara dres edhom dhyworth gorvarghasow dhe鈥檔 re edhommek re leveris an gorholeth rag hy servisyow dhe gressya gans dew-ugens kansran dres an dhiw vledhen eus passyes.

听

Selys veu an aluseneth, Devon and Cornwall Food Action hy hanow, nans yw dewdhek bledhen rag batalyas orth boghosogneth voos.

听

Herwydh usadow, gorvarghasow, askororyon boos hag eseli a鈥檔 poblek a re ynter dewdhek ha pymthek tonnas a voos dhe鈥檔 aluseneth pub seythen.

听

Yma nebes kistyow a voos lesrennys heb kost, mes nebes kliensow a be pymthek peuns rag kist deg peuns ha tri-ugens hy thalvosogeth.

听

Dyghtyoryon an aluseneth a leveris aga bos prederys drefen i dhe weles moy ha moy a dus arvethys ow hwilas aga servisyow keffrys ha鈥檔 re dhiweyth.

听

Milva Tewynblustri re dherivas y fynn hi skoodhya milvaow yn Ukrayn dre gevrenna nebes a鈥檡 budhow gansa.

听

Perghennys yw an vilva, keffrys ha Milva Paignton, gans Trest Planet Gwyls (Wild Planet Trust yn Sowsnek) ha, dy鈥橪un eus passyes, y terivas an trest bos hwans dhodho gweres teyr milva yn Ukrayn re beu damajys gans tanbelennow russek.

听

Pennweythresek an trest, Dennis Flynn, a leveris y fynnens i 鈥済weres agan kowetha vilva dres an termynyow fest grevus ma鈥�. Ytho an trest a erviras ri hanter oll an arghans degemerys dhyworth eseli an poblek dres an benn-seythen kyns dhe vilvaow yn Kharkiv, Kyiv ha Mykolaiv. Dres henna, oll an budhow a鈥檡 werthjiow ha bostiow a vedha res dhedha ynwedh.

听

Ev a geworras y fia res dhe鈥檔 milvaow ukraynek gul nebes erviransow kales. Rag ensampel, res via dhe vilva Kharkiv delivra y gerwys ha gavrewiges dhe wari, may hallens hwilas boos y鈥檔 koswigow leel. Byttegyns, nebes a鈥檔 kathes bras re bia selwys ha danvenys dhe Boloni.

听

Yn-medh Mester Flynn, 鈥淒ell on ni aluseneth withans, govenek yw agan negys; ha lemmyn, moy es bythkweth, yma edhom dhyn a wovenek鈥�.

Ha skoloryon Akademi Sen Kolom Veur re bareusis ha danvon tri hans fardel a daklow essensek dhe fleghes yn Ukrayn.

听

Profyes veu an ragdres gans onan a鈥檔 skoloryon, Neil Doherty, hag y vamm, Hollie, a leveris y fia kemeneth Sen Kolom Veur hel dres eghen ha restra lies hwarvos rag sevel arghans a-barth an skol.

听

Penndhyskadores an akademi, Marie Taylor, a leveris bos an fleghes pur yntanys hag i ow fardella an kistyow, hag yn pub anedha, i a worras daffar rag omwolghi hag omdommhe keffrys ha torchen, hwegennow, pluvennow ha kartennow ow synsi messajys a wovenek.

听

Pan veu pub fardel parys, kuntellys vons gans kowethyans eylgylghya hag a wrug aga threusperthi dhe Boloni.

听

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Wella Morris. Bys dy鈥� Sul nessa, dydh da dhywgh hwi oll.