大象传媒

An Nowodhow

Sunday 3 July 2022

Dohajydh da, ha dynnargh dhe dhyllans a鈥檔 seythen ma 鈥楢n Nowodhow鈥� war 大象传媒 Radyo Kernow.

*

Na wra pesya an Sportva rag Kernow devisys, wosa an bagas a-dryv dhedhi dhe denna skoodhyans.

An Vorladron Gernewek ha Klub Pelldroos Cita Truru o gwaytys dhe gevrenna an sportva nowydh.

Kowethyans Bern Kemeneth An Sportva rag Kernow a leveris ev dhe ragleva hedhi kes-displeyga an ragdres yn hy dalghuster kyns.

Hemm a sew ervirans Konsel Kernow na brof yn-rag namoy an ragdres rag arghasans ughelhe nivel an governans.

Kaderyer an Kowethyans a leveris y vos 鈥渄iswaytyans hujes鈥�.

An Kowethyans Bern Kemeneth re beu ordenys dhe arghasa an sportva nowydh, ha re ombrofyas rag peswardhek milyon peuns, dhe geworra dhe鈥檔 unnek milyon drehevys rag an ragdres.

Martin Tucker, kaderyer an kowethyans ha neb yw ynwedh chif Kollji Truru ha Pennwydh, a leveris bos eseli an gesva a Gowethyans Bern Kemeneth diswaytys dres eghen dhe dhyski bos Konsel Kernow ow tenna skoodhyans rag an profyans gonisogeth.

Y keworras ev an acheson res dhe鈥檔 kowethyans rag tennans an profyans dhe vos danjer a eseli an Konsel hag eseli senedh leel, dhe weles arghasans res dhe ragdres an sportva, yn le ragdresow hag a wrussa assaya arghasans yn trohow termyn a dheu.

Mester Tucker a leveris na vydh Kollji Truru ha Pennwyth omvyskys namoy yn displegyans sportva vyth war an tyller Len an Gath ogas dhe Druru.

Yma Cita Truru ow kwari aga gwariow tre dhe Bark Bolitho 鈥� an mes a bara Plymouth Parkway, hag usi pymthek mildir ha dew ugens a Druru, wosa aga mes dhe vos gwerthys dhe dhisplegoryon warlena.

听

Yma dhe dre an Vorladron Gernewek dhe Veneghi yn Pennsans dalghuster a-dro dhe beswar mil. An Vorladron a hedhas an tressa le yn kamporieth an seson eus passys, mes nyns yw settys dhe ombrofya rag avonsyans drefen na gowlwra aga sportva dhe Veneghi an dalghuster ispoyntel erghys a dheg mil hag onan.

Yma hwath possybylta a dhisplegyans byghanna ledyes gans Klub Pelldroos Cita Truru dhe鈥檔 keth tyller, hag a allsa provia komodytys rag devnydh rugbi ha kemeneth.

Byttegyns, yma edhom dhe sportva vyghanna hag yw drehevys dhe vos efanadow, mar pe arghasans kevys hag a assa an Vorladron gwari y鈥檔 ughella nivel.

Kaderyer an Vorladron Gernewek, Paul Durkin y hanow, a leveris an treusvewans a鈥檔 para kamporieth, ha Klub Pelldroos Cita Truru, dhe vos y ragwir.

Kritikel veu Durkin a-dro dhe handlans Konsel Kernow a鈥檔 studh.

Ev a leveris, 鈥� ni re bia ambosys - yn gwiryonedh an konsel a wrug derivas poblek dhe leverel aga skoodhya an ragdres avel rann a ughelhe nivel, hag a bysis an Kowethyans Bern Kemeneth a skrifa an profyans gans aga skoodhyans.

鈥淗a ni ow kul henna i a gedhlas y vos tennys.鈥�

Yn derivas, Konsel Kernow a leveris: 鈥淎wos chanj yn breusverkow arghas ughelhe nivel, Konsel Kernow re erviras na wra profyans rag ragdres Sportva rag Kernow y鈥檔 eur ma.

鈥淣i re gonvedhsa profyansow dhe鈥檔 gover 鈥榞onisogeth鈥� a鈥檔 arghans ughelhe nivel dhe vos keworrys dhe brofyansow a鈥檔 hwegh pastell vro. Mes nyns yw henna an kas ha ni re erviras fogella orth an profyansow pastell vro y鈥檔 eur ma.鈥�

Ni a wodh gras dhe鈥檔 kesparesow sportva a鈥檔 ober a wrussons ha ni a wra pesya oberi gansa dhe gavos chonsow arghasans gwiw yn termyn a dheu.鈥�

*

Niverow bras yn anusadow a gellyl-lesa re beu gwelys a-hys dhe鈥檔 arvor a Gernow y鈥檔 mis ma.

听

Trest Bewnans Gwyls Kernow a leveris y vos bledhen bumper rag gwelyow

Sedhoryon ha snorkeloryon re dherivas niverow brassa, hag unn pyskador a gachyas deg ha seyth ugens yn unn jydh, kehevelys orth y sommen usadow a onan po diw pub bledhen.

An trest a leveris bos an diwettha tardh niverow rag kellyl-lesa rekordys war arvor soth Pow Sows yn mil naw kans eth ha dew ugens.

Nyns yw aswonnys mar pe an vledhen ma henwys avel an kynsa tardh kellyl-lesa yn deg bledhen ha tri ugens.

An Gellyl-lesa Gemmyn yw eghen bras hag yw rekordys yn usadow gans an trest unnweyth po diwweyth pub bledhen y gresek.

Matt Slater, sodhek gwith morek gans an trest, a leveris 鈥減ur yntanys en vy pan dhallethis vy degemeres messajys dhyworth agan sedhoryon Seasearch.鈥�

鈥淓nevales mar varthus hag estren yns 鈥� onan a鈥檔 konykka enevales y鈥檊an keynvoryow 鈥� ha gweles tardh poblans y鈥檊an dowrow leel a via angrysadow.鈥�

An Gellyl-lesa Gemmyn yw aswonnys rag hy dewlagas bras, avel sagh y gorf ha y arrow a yll bos meter y les.

*

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys genev vy Duncan McIntosh, an pennskrifer o Steve Harris. Bys dy鈥橲ul nessa, dohajydh da dhywgh hwi oll.