大象传媒

An Nowodhow: an 10ves a vis Gortheren 2022

听

听

Dyghtyoryon Trest NHS Klavjiow Kernow Riel re leveris bos res dhe berthyoryon, mayni ha vysytyoryon dh鈥檡 glavjiow ha kresennow yeghes gwiska maskow a-dhia dhy鈥橪un eus passyes.

听

Diw is-varien nowydh a Govid yw dhe vlamya rag an kressyans a gasys yn Kernow hag a-dreus an Ruvaneth Unys dre vras. Yeyn nowodhow yw hemma rag klavjiow yn Kernow usi prest ow perthi gorholeth bras rag aga servisyow.

听

Yn-medh pennklavjiores, Kim O鈥橩eeffe, 鈥淎-gynsow, ni re welas kasys ow kressya arta, ha res yw porres may hwryllyn devnydh a鈥檔 toulys kavadow dhyn rag difres, nag yn unnik agan perthyoryon, mes ynwedh agan vysytyoryon ha kowethysi鈥�. Hi a bysis an werin a 鈥渄hyghtya yn kuv an mayni neb re beu owth oberi mar dhiwysyk rag difres perthyoryon dres an pandemek鈥�.

听

Keffrys ha gwiska mask, hi a ynias war bubonan y鈥檊an klavjiow pesya golghi aga diwleuv yn fenowgh gans sebon ha dowr, ha gul devnydh a jell alkohol.

听

Byttegyns, ny wrug an rewlys ow tochya vysytya perthyoryon chanjya hwath.

听

Gwithti Kernow Riel a dherivas y鈥檔 jeves own may fo res dhodho degea wosa ombrofyans rag arghasans dhyworth Konsel Kernow dhe fyllel.

听

Pennweythresek an gwithti, Jonathan Morton y hanow, a leveris y fedha an sewyans a henna 鈥渄egeans degynsywek an gwithti鈥�.

听

Carol Mould, a-barth an konsel, a worthebis ev dhe dhegemeres unnek ombrofyans ha dew-ugens dh鈥檡 dowlen gevarghow gonisogethel hag awenek, ogas ha seyth milvil beuns aga thalvosogeth. Y鈥檔 gwettha prys, yth esa le es dew vilvil beuns kavadow dhodho dhe spena ha nyns o ombrofyans an gwithti krev lowr.

听

听

Kowethas Virgin Orbit, Syr Richard Branson y berghen, re dheklaryas bos govenek dhodho lonchya y gynsa lorell dhyworth Tewynblustri yn mis Gwynngala hevlena. Y fydh hemma ynwedh an kynsa lorell lonchys a鈥檔 Ruvaneth Unys.

听

Virgin Orbit a wra devnydh a jynn ebron Virgin Atlantic 747 aswiwys rag don fusen ha鈥檡 lorell. Ev a yskyn fest ughel a-ugh an Keynvor Atlantek kyns lonchya an fusen a wra danvon an lorell bys yn hy resegva.

听

An penn-seythen eus passyes, an kowethas a lonchyas seyth lester efanvos a鈥檡 selva yn Kaliforni ha lemmyn fogellys ywa war dreusworra y oberyansow dhe Gernow.

听

Orth Ayrborth Tewynblustri, yma ober ow pesya may fo kresen routya nowydh parys a-dermyn, keffrys ha gweythva arbennik rag dyghtya an lorellow.

听

Y hwaytir bos lewyader an kynsa lonch Ledyer Skwadron Matthew Stannard a鈥檔 RAF neb re beu ow praktisya gans y gowethysi amerikanek yn Kaliforni.

听

Seyth lorell re beu ragerghys seulabrys rag bos lonchys dhyworth Tewynblustri, yntredha, an kynsa lorell gembrek, gwyrs gans an kowethas Space Forge yn Kardydh.

听

*

听

Reley Leuvwelen an Vyghternes a dhallathas y viaj a-dro dhe Gernow ha Pow Sows orth an Edenva dy鈥橪un eus passyes.

听

Degys vydh an leuvwelen a-dro dhe鈥檔 pow kyns drehedhes Birmingham rag solempnita ygeri Gwariow an Gemynwlas, an ethves warn ugens a鈥檔 mis ma.

听

An kynsa person dhe dhegi an leuvwelen o Oli Turrell neb a鈥檚 degemeras dhyworth Denise Lewis, lewydhes para Pow Sows.

听

Dynerghys veu an leuvwelen gans dew kans flogh bledhen hwegh dhyworth skolyow leel neb a鈥檚 dug a-dro dhe鈥檔 Edenva. Ena, gorrys veu hi dhe Aberplymm hag alena dhe Garesk.

听

Gwrys yw an leuvwelen a gober, aluminiom ha brest, ha hi a vydh degys dhe Birmingham gans milyow a dus re beu dewisys rag an enor ma awos aga ober a-barth aga hemeneth leel.

听

*

听

Yth esowgh hwi ow koslowes orth 鈥楢n Nowodhow鈥� war 大象传媒 Radyo Kernow. An dowlen an seythen ma a veu skrifys ha presentys genev vy, Steve Penhaligon. An pennskrifer o Wella Morris. Bys dy鈥� Sul nessa, Duw genowgh hwi oll.